Isaia 26:18 - Baibuli Ekibono kya Katonda 2014

¹⁸ Twaba enda, twalumwa okuzaala, aye ghazira kye twazaala. Tuzira kya mugaso kye tufuniemu, waire okubaaku n'obughanguzi bwe tuleetera ensi yaife.

Isaia 26:18 ပူးပေါင်းရင်းမြစ်များ

2 Bakyabazinga 19:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Isaia 33:11

Entegeka dhaimwe dhiri ng'oti bikaba bukaba, ni bye mukola byonabyona biri ng'oti bisubi bikalu omuuka ogwaimwe gwene gwe mugheera, n'ogulibamamula okubamaliriragho ng'oti muliro.

Isaia 37:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Hosea 13:13

Abaisiraeli abo bali n'omukisa ogw'okuba abalamu. Aye olw'obusiru bwaibwe tibasobola kugukozesa. Bali ng'oti mwana atuuse okuzaalibwa, aye n'aloba okufuluma mu nda ya inhina!

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.

1 Samueli 11:13

Aye Saulo yaakoba ati: “Ghazira muntu waire omulala anaitibwa olwaleero, kuba luno n'olunaku Musengwa Katonda lw'anunuliireku Isiraeli.”

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.