Isaia 26:14 - Baibuli Ekibono kya Katonda 2014

¹⁴ Abo buti bafu era tibaliiramu kabiri kuba balamu; abo buti mizimu buzimu egitaja kwiramu bulamu naire. Kuba wababonereza waabazikiriza, era tighalibaagho abaidhukira kabiri.

Isaia 26:14 ပူးပေါင်းရင်းမြစ်များ

Yobu 18:17

Balimwerabirira irala ku nsi, ghaabulagho amwidhukira naire.

Yobu 24:20

Ni inhina ow'omwonooni oyo mwene amwerabira. Enhengere dhaamweriira yaazikirira ng'omuti ogukuukwikegho.

Yobu 7:9

“Ng'ekire bwe kiwaagho ni kibula, n'omuntu aika e magombe atyo bw'atairayo kuboneka.

Zabbuli 106:28

Agho beeyimba n'abantu mu kusinza omusambwa Baali ogw'e Peori, era baalya ku misengo egigheebwayo eri ebintu ebiziramu na bulamu.

Zabbuli 109:13

Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 135:17

Bibaaku n'amatu aye nga tibiwulira era tibisobola waire na kugheera.

Zabbuli 36:12

Bona, ababi bali ku itaka, bagwire baaloba kusobola kusituka.

Zabbuli 59:5

Iwe Musengwa Katonda Afuga Amagye, niiwe Katonda wa Isiraeli. Situka obonereze abantu abatakutya; otasaasira waire mulala ku abo abakudheemera ni bakola ebibi.

Zabbuli 9:6

Abazigu bawoiregho ebyanda n'ebyanda, ebibuga byaibwe wabizikiriza, era tibaja kwidhukirwa naire.

Okuvaayo 14:30

Atyo Musengwa Katonda bweyawonia Abaisiraeli ng'abatoola mu buyinza bw'Abamisiri, era Abaisiraeli baabona emirambo gy'Abamisiri nga giri agho ku mbali okw'enhandha.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Omulangirizi 9:5

Bwenebwene abantu abalamu bamanha nga baja kufa, aye abafu baba bazira kye baidhi era nga bazira kye bakaasuubira kufuna, kuba baba tibakaidhukirwa naire.

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 29:6

nze Musengwa Katonda Afuga Amagye ndibalwanirira, nga nkozesa okutyabuka kw'olukuba okw'amaani, era nga ntengeesa ensi ni musisi. Era ndikozesa n'empewo eyeezungulula n'amaani, naakozesa n'enimi edh'omuliro oguzikiriza kiisi kiri mu ngira yaagwo.

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Matayo 2:20

Yaamukoba ati: “Situka ogeme ku mwana n'inhina muje mu nsi ya Isiraeli, kuba abaali banoonia okwita omwana bamaze okufa.”

Amateeka Agokubiri 4:28

Eyo ye mulisinziza ebintu ebitali Katonda ebyakolebwa abantu obuntu mu miti ni mu mabaale ebitabona waire okuwulira, era ebitalya waire okuwunhiza.

Okwolekebwa 20:5

Okwo n'okuzuukira okwasooka. Abafu abandi tibairamu kuba balamu okutuusa emyaka olukumi (1,000) lwe gyawaaku.