Isaia 26:13 - Baibuli Ekibono kya Katonda 2014

¹³ Wo Musengwa Katonda waife, waire ng'abandi baatufugaku, aye niiwe wenka ye twidhi ng'Omufuzi waife.

Isaia 26:13 ပူးပေါင်းရင်းမြစ်များ

2 Ebyomubyanda 12:8

kuba bwenebwene Shishaki oyo aidha kubaghangula basobole okubona endhawulo ghagati gh'okugheereza nze n'okugheereza bakyabazinga ab'ensi.”

Isaia 10:11

Nga bwe nazikiriza Samaria n'ebisinzibwa byamu ebitali Katonda, era ntyo bwe ndizikiriza Yerusalemu n'ebifaananie byamu ebisinzibwa.’

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 2:8

Ensi yaibwe eidhwire ebisinzibwa ebitali Katonda, abantu baasinza ebyo beene bye bakola n'emikono gyaibwe; ebintu obuntu bye bakola n'engalo dhaibwe.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Isaia 64:5

Osangaalira abo abasanhukira okukola ebituufu, ni baidhukira okwebisa nga bw'oyenda. Iwe watusungughalira, aye ife tweyongera bweyongere kukola bibi. Era kuva ira nga tuli mu kukola bibi okwo. Aye oba tulibiwona?

Amosi 6:10

Omuntu ali n'oluganda ku mufu era akola ku by'okuziika, bw'aliidha okutoola omulambo mu ndhu, alibuuza oyo aliba ng'akaasigairemu ati: “Eriyo omuntu owundi ali eyo n'iwe?” Ole alimwiramu ati: “Busa.” Olwo ono yaamukoba ati: “Sirika! Tulobe na kwogera ku liina lya Musengwa Katonda.”

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Yoanne 8:32

Mulimanha amazima era amazima galibafuula ab'eidembe.”

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

1 Ab'e Korintho 4:7

Naani eyakufuula ow'ekitiisa okusinga abandi? Katonda ti n'eyakugha byonabyona by'oli nabyo? Kale byonabyona by'oli nabyo bwe biri birabo bulabo, ozira nsonga lwaki weesuuta.

Abaheburayi 13:15

Kale buliidho tughenga Katonda omusengo ogw'okumusaaka nga tubita mu Yesu, nga twatula eriina lye n'eminwa gyaife.

Yoshua 23:7

Timukolagananga na bantu abo abanaasigalanga mu biketezo bye tuja okunhaga. Timwogeranga bigema ku bakatonda baibwe, oba okulayira nga mukozesa amaina gaibwe, oba okubakubira amakiryaivu n'okubasinza.