Isaia 26:12 - Baibuli Ekibono kya Katonda 2014

¹² Wo Musengwa Katonda, iwe oidha kutugha tubenga mu miraala, kuba ni bye tukola byonabyona niiwe obireetera okutujiira obukalamu.

Isaia 26:12 ပူးပေါင်းရင်းမြစ်များ

Zabbuli 29:11

Musengwa Katonda aghenga abantu be amaani, era aghenga abantu be enkabi babe miraala.

Zabbuli 57:2

Nze ndi kulirira Katonda Ali Ghaigulu Yeene, oyo atuukiriza mu nze ekigendererwa kye.

Zabbuli 57:3

Aidha kutuma amaani okuva mu igulu okwidha okumponia. Abo abankiriga aidha kubaswaza. Katonda aidha kundholeka nga bw'angonza obutalekera era nga bw'ali omwesigwa.

Zabbuli 68:28

Wo Katonda, yolesa nga bw'oli ow'amaani, yoleka amaani go g'okozesa okutubeera,

Zabbuli 90:17

Wo Musengwa Katonda waife, tukusaba enkabi dho dhibenga n'ife, kiisi kye tugemaku kitujiirenga bukalamu bwenebwene ghabule ekitulema.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 27:5

Aye oba nga abazigu b'abantu bange benda nze okubakuuma, baidhe batabagane ninze. Batyo bwe babe bakole: baidhe batabagane ninze.”

Isaia 29:23

Bwe mulibona ku ebyo bye ndibakolera, ni mubona ku baana be ndibagha, muligulumiza eriina lyange, mwayatula nga bwendi Omutukuvu wa Yakobo, era mwantaamu ekitiisa nze Katonda wa Isiraeli.

Isaia 32:18

Abantu ba Musengwa Katonda baliba mu miraala, baatyamisa mu maka gaibwe era baawuumula nga ghazira kibatiisa naire.

Isaia 57:10

Mwekaluubiriza inho nga muli kunooniayo bakatonda abandi, aye era mwaloba kukoogha waire okuwaamu amaani; kuba mulowooza muti ebitali Katonda ebyenhinhalwa ebyo bye musinza, bibagha amaani.

Isaia 57:19

Nze Musengwa Katonda nkoba nti ninze ndeetera abantu ab'okumpi n'eghala okuba mu miraala. Era ninze ndiwonia abantu bange.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:22

Aye neefuga, ekyo naaloba kukikola ku lw'eriina lyange, olwo lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Okubala 6:26

Musengwa Katonda akulingengaku n'amaiso ag'ekisa era akughenga emiraala.”

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Amateeka Agokubiri 30:6

Musengwa Katonda waimwe alireetera emyoyo gyaimwe n'egya baidhukulu baimwe abaliiragho okuba emigonvu, mwamugonza n'omutima gwaimwe gwonagwona era n'omwoyo gwaimwe gwonagwona, memale mwaba abalamu.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,