Isaia 26:10 - Baibuli Ekibono kya Katonda 2014

¹⁰ Ababi ni bw'obakolera ekisa, tibeega kukola bituufu. Ni mu nsi y'abantu abeesimbu mwona bakoleramu bwa bikyamu, baaloba kubona Musengwa Katonda nga bw'ali omukologho.

Isaia 26:10 ပူးပေါင်းရင်းမြစ်များ

2 Bakyabazinga 13:6

Aye ate baaloba kuva mu bibi ab'endhu ya Yeroboamu bye baabaleetera okukola, beeyongera bweyongere okubikola. N'ekifaananie ky'omusambwa omukazi Ashera, kyasigala mu Samaria.

Zabbuli 106:43

Emikuzi kamaala nga Musengwa Katonda abatoola mu bizibu, aye baamala baasalagho okumudheemera. Kale beeyongera okuba ababi olw'ebibi byaibwe.

Zabbuli 143:10

Ndhegeresa okukolanga nga bw'oyenda, kuba niiwe Katonda wange! Olw'omwoyo gwo omulungi mbisa mu ngira entuufu.

Zabbuli 69:27

Kale babungeku ebibonerezo, ghabule y'osonighaku naire.

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Okuvaayo 9:30

Aye ndidhi nga iwe n'abakungu bo mukaali kutoolera kutya Musengwa Katonda.”

Okuvaayo 9:34

Aye era kyabazinga olwabona ng'amaadhi, n'omugozi, n'okubwatuka birekeire, mwene n'abakungu be kabiri baayonoona, baakalangusa emyoyo baaloba kutya.

Ensambo 1:32

Abazira kye baidhi bafa lwa butenda kugalagirwa, abasiru baazikirira lwa butafaayo.

Omulangirizi 3:16

Era nabona nga ku nsi, mu kifo aghandibaire okukola amazima oyagaanagho bikolwa bibi, ni mu kifo aghandibaire obutuufu woona waayagaanagho bikolwa bibi.

Omulangirizi 8:11

Olw'okuba ekibonerezo ekisalirwa omuntu akoze ekibi tibakigheeragho mangu, abantu kyebava beeyongerera irala okukola ebibi.

Isaia 1:21

Kyewuunhisa okubona ng'ekibuga ekyalinga ekyesigwa, kifuuse ng'oti malaaya. Ate nga kyaidhulangamu abantu abakola amazima, era kyabangamu abantu abatuufu. Aye mperaano kirimu batemo beereere.

Isaia 2:10

Muje mwingire mu mpuku edh'omu gabaale, mwegise ni mu biina mu itaka, mulumuke Musengwa Katonda atiisa, oyo ow'ekitiisa era ow'obuyinza.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 32:6

Omusiru ayogera bya kisiru, era mu mwoyo gwe ayiiya amagezi ga kukola bibi. Mu by'akola tatya Katonda naire, era by'ayogera bivuma bwa Musengwa Katonda. Abali endhala tabagha mere, waire okugha abali endiwo eby'okunhwa.

Isaia 32:7

Omukupankupania muntu mubi, ni by'akola bibi byereere. Asala amagezi okwitaitana abaavu ng'ayogera eby'obuguya, ni bwe baba nga bye basaba okukolerwa n'ebyo ebituufu bye bagwaniire.

Isaia 5:12

Ebibinuko byaibwe bibaaku endingidi, entongooli, obugoma n'endere, era n'omwenge gw'emizabbibu. Aye tibalowooza ku ebyo Musengwa Katonda by'akola, waire okubifaaku naire.

Yeremia 2:7

Nabaleeta mu nsi erimu ebirungi kamaala, muwoomerwe ebibala byamu n'ebintu byamu ebirungi. Aye imwe bwe mwagituukamu, mwagyonoona bwonoone, omugabo nze gwe nabagha mwagufuula ekyenhinhalwa.

Yeremia 31:23

Musengwa Katonda Afuga Amagye, Katonda wa Isiraeli, akoba ati: “Bwendiiza abantu bange mu nsi yaibwe, mu Buyudaaya ni mu bibuga byayo, ni mbaleetera ebintu kabiri okubajiiranga obukalamu, baliiramu okukobanga bati, ‘Musengwa Katonda akughe enkabi iwe olusozi olutukuvu, iwe ekifo ekitukuvu Musengwa Katonda mw'aba.’

Hosea 11:7

Ng'abantu bange abo bwe bamaliriire okunvaaku, balirira olw'ekikoligo ekibaliku, aye nga ghazira akibatoolaku.

Hosea 13:6

Aye bwe mwatuuka mu nsi enungi, ni mulya era ni mwiguta, olwo mwatoolera okwekuluntaza, mwaneerabira.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Mika 2:10

Musituke muje, ghano tighakaali miraala. Ekifo kino kija kuzikirizibwa olw'ebibi byaimwe.

Matayo 4:5

Agho Sitaani yaatwala Yesu mu kibuga ekitukuvu, yaamuniinia ku kasulya ak'eisinzizo,

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Okwolekebwa 2:21

Namugha ekiseera okwenenia aye yaloba okuleka obudankaanu bwe.

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.