Isaia 25:4 - Baibuli Ekibono kya Katonda 2014

⁴ Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 25:4 ပူးပေါင်းရင်းမြစ်များ

Zabbuli 107:41

Aye abanaku abairuukirira, yaabatoola mu kudaagadaaga, baazaalagana, baaghera mangu ng'oti byayo.

Zabbuli 119:31

Wo Musengwa Katonda, neekalanguliire ku kukola by'okoba; mponia okuswala.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 121:5

Musengwa Katonda n'akulabirira, era akuli kumpi agho ng'akukuuma.

Zabbuli 35:10

Ndisaaka Musengwa Katonda n'amaani gange goonagoona, nti: “Wo Musengwa Katonda, naani ali ng'oti niiwe? Iwe atoola omunafu n'omuwonia ow'amaani amuswikirira, era atoola omwavu n'omuwonia amunhagaku ebibye?”

Zabbuli 55:8

Nandyangwighe naabona ghe neigama, naawona amaadhi gano agalimu kiwunga n'omugozi.”

Zabbuli 72:13

Agemerwa abanafu n'abaavu ekivunika, yaawonia obulamu bw'abanaku okuzikirira.

Zabbuli 72:4

Kyabazinga asale mu butuufu ensonga edh'abaavu; ayambe abali mu bwetaavu, atyankirire abo abaniinirira abaghafu.

Zabbuli 9:10

Abo abakwidhi, obwesige bwaibwe babuta mu iwe, kuba Musengwa Katonda tiweerabira abo abatakabana okwidha y'oli.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 16:3

Bali kukoba ab'omu Buyudaaya bati: “Mutughe ku magezi, mutukobere eky'okukola. Mukingirize akabi kalobe kututuukaku ng'oti n'omuti bwe gutaagho ekinsense mu kasana ghagati. Mutuleke twewogome mu kinsense ekyo. Ife tuli kunoonia bubudamo mutukweke aghantu ghe bataatubone.

Isaia 17:10

Iwe Isiraeli weerabiire Katonda wo akuwonia, waamuvaaku oyo ali ng'oti lubaale mwe weewogoma. Oize mu kusimba nimiro dh'omala n'osengamu emisambwa.

Isaia 27:5

Aye oba nga abazigu b'abantu bange benda nze okubakuuma, baidhe batabagane ninze. Batyo bwe babe bakole: baidhe batabagane ninze.”

Isaia 28:6

Aligha abalamuzi omwoyo ogw'okukolanga amazima, era yaagha abaisirukale amaani okukuumanga emiryango gy'ekibuga, okukiwonia okulumbwa abazigu.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 29:20

Abantu abakambwe balimalibwagho, abo abeekuluntaza baakomezebwa, n'abo boonaboona abanhumirwa okukola ebibi baazikirizibwa.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 33:16

oyo n'aliba aghalungi, mu kifo eky'okwewogomamu ekigumu einho ng'oti n'olubaale. Aliba n'emere ey'okulya era yaaba n'amaadhi ag'okunhwa aghazira kubulirirwa naire.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 49:25

Aye Musengwa Katonda airamu ati: “Ekyo kyene n'ekija okubaagho. Ow'amaani balimulekuza omunhago gw'ali nagwo, n'omufuzi omukambwe bamutoolaku abantu b'anhaze. Ndirwanisa abo ababalwanisa imwe, era naanunula abaana baimwe.

Isaia 57:13

Kale ni bwe munandiriranga mbayambe, ebisinzibwa byaimwe ebyo bye musoloza n'ebibe bibawonienga. Aye empewo obuwewo eribifuumuula yaabitwala. Ate nga abo abaneesiga nze, n'abalitwala ensi yaaba yaibwe era bansizizanga ku lusozi lwange olutukuvu.”

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 8:14

Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Ezekieli 38:9

Oliidha n'eigye lyo lyonalyona, ghalala n'abalwani abava mu maghanga agandi kamaala, mwalumba ensi eyo ng'oti n'amaadhi agalimu kiwunga era mwagighembaku ng'oti kire.”

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.