Isaia 25:2 - Baibuli Ekibono kya Katonda 2014

² Ebibuga obireeteire okufuuka emungo dh'ebimunku, waazikiriza ebifo byamu eby'okwewogomamu. Ebisaagaati eby'abazigu baife eby'obwakyabazinga tibikaaligho, era tibiriiramu kuzimbwa kabiri.

Isaia 25:2 ပူးပေါင်းရင်းမြစ်များ

Yobu 12:14

Katonda ekintu ky'amenhie ghazira asobola kukizimba buyaaka; Katonda omuntu y'asibiire mu ikomera ghazira asobola kumusibula.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Isaia 13:21

Ensolo edh'omu nsiko n'edhinaabanga eyo, n'endhu dhaabyo dhinaidhulanga ebintu ebirira. Era maaya dhinaabanga eyo, n'emisambwa gyakiniranga eyo.

Isaia 13:22

Empiti dhinaabwigukiranga mu minaala gyayo, n'ebibe byaboigokeranga mu ndhu dhaayo enkalamu. Ekiseera kya Babiloni eky'enkomerero kituuse! Enaku dhaakyo dhinaatera okuwaaku!”

Isaia 14:23

Ndikifuula ekifo ekibaamu obw'ebiwigulu n'ebidiba by'amaadhi, era ndikyeya n'olweyo oluzikiriza. Nze Musengwa Katonda Afuga Amagye ntyo bwe nkobye.”

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 17:3

Ensi Isiraeli eriba nga tekaali na bifo bya kwewogomamu kwewonia bazigu, ni Damasiko nga tikikaali na bwakyabazinga. Abasiria abaliwonagho baliswala inho ng'oti n'Abaisiraeli. Nze Musengwa Katonda Afuga Amagye ntyo bwe nkobye.”

Isaia 21:9

Okuja okutemya n'okuzibula ng'embalaasi edhiri eibiri eibiri dhiri kwidha, nga buli ndala eriku ali kugivuga. Omukuumi yaayongeraku yaakoba ati: “Babiloni kigwire, Babiloni kigwire. N'ebifaananie bya bakatonda baakyo byona bigwire agho ghansi byamenhekamenheka.”

Isaia 23:11

Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Isaia 23:13

Baali Bababiloni abaafuula Tiro ekifo eky'ensolo edh'omu nsiko, se ti Bassiria. Baakizimbaku ebituuti ebirengererwaku, baakizingiza okukyezunguluza, baamenha endhu dhaamu, era baazikiriza byonabyona ebyakirimu.

Isaia 24:10

Ekibuga kitabangwiketabangwike, buli muntu yeigaliza mumwe ghalobe kubaagho amwingirira.

Isaia 25:12

Alizikiriza ebifo byaibwe eby'okwewogomamu n'ebimante byaibwe ebigulumivu, yaabigwisa ghansi ku itaka okutuukira irala mu nkungu.

Isaia 26:5

Abo abaali beetwala okuba aba ghaigulu abaisiisa ghansi, yaazikiriza ekibuga kyaibwe ekigumu, yaakigwisa ku itaka ghaasigala bwa nkungu.

Isaia 27:10

Ekibuga ekyabangaku ebimante ebigumu ebikyezungulwire, mpegaano kiri bifulukwa byereere, era kirekeibwa bwagho nga kyereere ng'oti irungu. Kifuuse kyayiro ensolo mwe dhiriira nga dhikooza amakaba g'emiti, era ni dhiwuumulira omwo.

Isaia 32:14

Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.

Isaia 32:19

Aye amabaale ag'omugozi galikuba ebibira byasaanagho, n'ekibuga kyazikirizibwa.

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Isaia 37:26

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante ebigumu, ni bifuuka bwa mmungo ya bimunku.

Yeremia 51:26

Olisigala agho otyo ng'oli bifulukwa byereere lubeerera. Era ezira ibaale lye balitoola mu bifunfugu ebyo, ni balizimbisa musingi mu nsonda. Nze Musengwa Katonda, ninze nkobye.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Amateeka Agokubiri 13:16

Ebintu byonabyona eby'abantu baamu, munaabisolokezanga mu luguudo ghagati gh'ekibuga ekyo. Memale olwo mwayokya ekibuga ekyo n'ebintu byonabyona ebikirimu, byaba ekigheebwayo eri Musengwa Katonda waimwe nga kyokebwa. Ekibuga ekyo kinaasigalanga bifunfugu ebyanda n'ebyanda, era tikiirengamu kuzimbibwa.

Okwolekebwa 18:19

Era balyeyugha enkungu mu mitwe, baalira era baagegenga nga bakoba bati: “Okagwireku! Okagwireku, iwe ekibuga ekikologho, ekyakombaghaliramu abo boonaboona abaali n'amaato ku nhandha! Mu saawa busaawa eti kizikiriire!