Isaia 25:11 - Baibuli Ekibono kya Katonda 2014

¹¹ Balyandhuluza emikono gyaibwe ng'oti n'omuntu ali kwewuga mu maadhi, aye Musengwa Katonda alibamala amaani ago agabaleetera okwekuluntaza.

Isaia 25:11 ပူးပေါင်းရင်းမြစ်များ

Yobu 40:11

Yolesa obusungu bwo obubitirivu, olingirire buli mwepansi omwise olusisi.

Zabbuli 2:5

Agho nga yeenayeena adhuunie abadhuuka, mu busungu obutiisa einho yaabakoba

Isaia 10:33

Bona eno, Musengwa Katonda Afuga Amagye alibaghanulayo ng'oti n'olusaga olutemeibwa ku muti ni lugwa. Abaleeyi abaawaiguka alibasuula ghansi, n'abeetwala okuba aba ghaigulu yaabaisa.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 14:26

Ekyo kye ntegekeire ensi, era buti mmaze okugalula omukono gwange, nja kubonereza amaghanga goonagoona.”

Isaia 16:14

Aye mpegaano Musengwa Katonda akoba ati: “Mu myaka esatu gyonka, ebitiibwa bya Moabu biriba nga tibikaaligho. Ku bantu baakyo waire nga bangi batyo, batono bati n'abalisigalagho ate nga tibakaali na maani naire.”

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Isaia 2:10

Muje mwingire mu mpuku edh'omu gabaale, mwegise ni mu biina mu itaka, mulumuke Musengwa Katonda atiisa, oyo ow'ekitiisa era ow'obuyinza.

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:15

Alisaaniagho kiisi kituuti ekirengererwaku ekireeyiriri, yaasaaniagho na kiisi kifo kya kwewogomamu.

Isaia 25:5

era bwaba ng'oti n'olwota bwe lumamula mu nsi enkalu. Aye iwe Musengwa Katonda osiriisa abazigu baife, waakomya okwasiikana kw'abakambwe abo, ng'oti n'ekire bwekiwoleezaaku ku lwota lw'omu kasana ghagati.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 53:12

Kye ndiva ni mmugha omugabo aghalala n'abakologho, yaagabana omunhago aghalala n'ab'amaani; kuba yaaghaayo obulamu bwe yaitibwa, yaabalirwa mu bamenhi ab'amateeka. Aye ate yaaba nga yeetwika ebibi eby'abantu kamaala, era yaabasabira ekisonigho.”

Isaia 65:2

Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Yeremia 48:42

Moabu baligizikiriza, yaalekera agho okuba eighanga, olw'okuba yandheemera.

Yeremia 48:47

“Aye mu biseera eby'oluvainhuma, nze Musengwa Katonda ndireetera ebintu okwiramu okujiiranga Abamoabu obukalamu.” Ebyo byonabyona, Musengwa Katonda bye yakoba okutuuka ku nsi Moabu.

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Ab'e Kolosai 2:15

Era ku musalaba okwo byonabyona ebyali n'obukumu era n'obufuzi yabitutoolaku, era yaayoleka obughanguzi bwe mu lwatu.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”