Isaia 25:10 - Baibuli Ekibono kya Katonda 2014

¹⁰ Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 25:10 ပူးပေါင်းရင်းမြစ်များ

Zabbuli 83:10

abaitirwa mu kibuga Endori, ni baba agho ku itaka ng'oti mmungo ya busa.

Isaia 10:31

Ab'e Madumena balumwike, n'ab'e Gebimu bali kunoonia ye banaalumukira okuwona.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 14:19

Aye iwe bakuswire bw'ere amagombe go ye gatali, ng'oti n'omwana avaamu ng'akaabulaku, ekintu abantu kye batenda naire. Bakubunzeeku emirambo gy'abo abaitiirwa mu lutalo, baakusuula ghalala nagyo mu lwina olw'amabaale, waafuuka omulambo gwe batyankirira n'ebigere.

Isaia 16:14

Aye mpegaano Musengwa Katonda akoba ati: “Mu myaka esatu gyonka, ebitiibwa bya Moabu biriba nga tibikaaligho. Ku bantu baakyo waire nga bangi batyo, batono bati n'abalisigalagho ate nga tibakaali na maani naire.”

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Isaia 18:4

Musengwa Katonda ankobye ati aliba mu kifo kye mw'aba, yaalingirira kisiriikiriza ng'oti n'olwota bwe lukunkunira mu kasana akali kwememula, era yaaba ng'oti n'omusulo ogutoonhera mu lwota olw'obwire mu biseera by'amakungula.

Isaia 25:6

Ku lusozi luno Sioni, Musengwa Katonda Afuga Amagye alifumbira amaghanga goonagoona embaga, ng'eriku emere esinga bulungi n'omwenge gw'emizabbibu ogusinga bulungi.

Isaia 26:6

Mpegaano abaavu n'abanaku, n'abali kukityankirira n'ebigere byaibwe.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Yeremia 48:2

Ekitiibwa kya Moabu kiwoiregho. Abazigu bagemye ekibuga Heshiboni ye baategekera okuzikiririza eighanga ly'e Moabu eryo. Imwe abantu b'omu kibuga Madimeni, abazigu baidha kubasirisa, amagye gaibwe gaidha kwidha galumbe ekibuga kyaimwe ekyo.

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Ezekieli 25:8

Musengwa Katonda akoba ati: “Olw'okuba ab'e Moabu baakoba bati Buyudaaya eri ng'amaghanga agandi goonagoona,

Ezekieli 48:35

Obuleeyi bwonabwona aghalala obw'ekisenge kye mulizimba ku kibuga okukyezunguluza, buliba mita kenda (9,000). Era ekibuga ekyo kiryetebwanga eriina, Musengwa Katonda ali omwo.”

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Zefania 2:9

Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”

Okubala 24:17

Bwe ningirira ye bwidha eyo, mbona Abaisiraeli abo, aye ti nga bwe bali mperaano. Kyabazinga alisituka mu Yakobo ng'oti n'emuunienie bw'evaayo, ng'ogwo n'omwigo ogw'obwakyabazinga oguja okusimuka mu Baisiraeli abo. Alisasambula abakulembeze b'e Moabu, era yaasaaniagho abaana ba Shethi boonaboona.