Isaia 24:8 - Baibuli Ekibono kya Katonda 2014

⁸ Abaakolanga ebinhumo nga bakubiraku obugoma, baalekera. Abaakubanga emizira baazima, n'abaakubanga endingidi tibakaadhikuba.

Isaia 24:8 ပူးပေါင်းရင်းမြစ်များ

Yobu 3:7

Bwenebwene obwire obwo, bulobe kwirayo kubaamu mukazi wundi abutooleramu nda bulobe kuwulirwamu muzira naire.

Yobu 30:31

Mpegaano entongooli yange ngikubiraku nhembo dha kugegenga; endere yange ngifuuyira balizi.”

Zabbuli 137:2

Endingidi dhaife twalekera okudhikuba, twadhighanika ku bikondo.

Isaia 16:10

Tighakaaligho muntu asanhukiraku mu masamba ago amagimu, waire okwemberaku enhembo mu mizabbibu, oba okwasiikaniramu. Ghazira akunha mizabbibu kugikolamu mwenge, era emizira gy'abakunhi ngikomiiza.

Isaia 5:12

Ebibinuko byaibwe bibaaku endingidi, entongooli, obugoma n'endere, era n'omwenge gw'emizabbibu. Aye tibalowooza ku ebyo Musengwa Katonda by'akola, waire okubifaaku naire.

Isaia 5:14

Amagombe kye gava ni gabeeguguna, ni gaasamya omunwa okumira abakungu b'omu Yerusalemu aghalala n'eikuukuubira ery'abantu baamu, abaakiwowoiganirangamu nga basagamba.

Yeremia 16:9

Wulirisa bukalamu, nze Musengwa Katonda Afuga Amagye era Katonda wa Isiraeli, bye ndi kubakoba: Bona, ndidha kulekeza amamiro ag'abali mu binhumo ni mu kusagamba galobe kuwulirwaku naire, ndekeze n'emizira gy'abo abali mu mbaga dh'obugole. Ekyo nja kukikola nga n'imwe mukaali balamu era nga mubona.

Yeremia 25:10

N'ekindi, nja kusirisa emizira egy'abali mu binhumo ni mu kusagamba, nsirise n'egy'abo abali mu mbaga edh'obugole. Tibaliba na mafuta ga kwasa ntaala, waire okuba n'emere ey'empeke ey'okusa ku mmengo.

Yeremia 7:34

Mu bibuga bya Buyudaaya ni mu nguudo dha Yerusalemu, ndidha kulekeza emizira egy'abali mu binhumo ni mu kusagamba, ndekeze n'egy'abo abali mu mbaga edh'obugole kuba ensi eyo ya kufuuka bifulukwafulukwa omutaba bantu.”

Okulira 5:14

Abakaire baalekera okutyama mu kifo eky'olwekobaano ku mulyango ogwingira mu kibuga, n'abaisuka baalekera agho okukuba enhembo.

Ezekieli 26:13

Ndirekeza abantu okwembera mu iwe enhembo, naasirisa n'entongooli dho dhoonadhoona nga tidhikaawulirwaku naire.

Ezekieli 28:13

Wabanga mu Edeni, enimiro ya Katonda. Ng'ovaala eby'okwewoomya ebyakolebwa mu mabaale ag'omughendo: sarudio, topazi, yasipera, kurisolito, berulo, onikisi, saffiro, karabunkule ni emeraludo. Era ng'oba n'ebyamadholobera ebya zaabu. Ebyo byonabyona byakolebwa ku lunaku lwe watonderwaku.

Hosea 2:11

Ndirekeza ebintu byonabyona ebimuleetera okusagamba: embaga edh'ebibinuko bye byonabyona eby'Okuboneka kw'Omwezi, n'edha Sabbato, n'edh'ebibinuko bye ebindi byonabyona ebyalagirwa.

Amosi 6:7

Olw'ensonga eyo niimwe abalikulemberamu ku abo abalitwalibwa mu bunhage. N'ebibinuko byaimwe eby'ekigayaavu birikoma.

Okwolekebwa 18:22

Enhembo edh'abakubi b'entongooli, n'edh'abembi, n'edh'abafuuyi b'endere, n'ab'endeka, tidhiriirayo kuwulirwa mu iwe. Mu iwe timulyagaanibwamu kabiri mukozi mukugu wa mulimo gwonagwona, waire okusa kw'olubengo okwirayo okuwulikika.