Isaia 24:7 - Baibuli Ekibono kya Katonda 2014

⁷ Emizabbibu giniaire, omwenge gw'emizabbibu gwakendeera. Abantu boonaboona abaalinga abasangaavu, buti bali bwa mu nnaku.

Isaia 24:7 ပူးပေါင်းရင်းမြစ်များ

Isaia 16:10

Tighakaaligho muntu asanhukiraku mu masamba ago amagimu, waire okwemberaku enhembo mu mizabbibu, oba okwasiikaniramu. Ghazira akunha mizabbibu kugikolamu mwenge, era emizira gy'abakunhi ngikomiiza.

Isaia 16:8

Amasamba g'e Heshiboni gakaze, n'emizabbibu gy'e Sibima gyona gikaze, gye baakunhangamu omwenge ogwatamiizanga abafuzi b'amaghanga. Amasamba g'emizabbibu egyo nga gaja gaatuukira irala e Yezeri, gaava eyo gaatuuka ku irungu, era gaava eyo gaabitira ku luuyi olundi, gaatuuka ere ku Nhandha Eyomuunhu.

Yeremia 7:34

Mu bibuga bya Buyudaaya ni mu nguudo dha Yerusalemu, ndidha kulekeza emizira egy'abali mu binhumo ni mu kusagamba, ndekeze n'egy'abo abali mu mbaga edh'obugole kuba ensi eyo ya kufuuka bifulukwafulukwa omutaba bantu.”

Ezekieli 6:14

Ndigolola omukono gwange naababonereza, era naazikiriza ensi yaibwe yaafuuka bifulukwa, okuviira irala ku irungu okutuukira irala e Ribula. Olwo abantu boonaboona baamanha nga ninze Musengwa Katonda.”