Isaia 24:22 - Baibuli Ekibono kya Katonda 2014

²² Musengwa Katonda alibasolokeza ghalala mu lwina ng'oti basibe. Alibasibira mu ikomera, yaamala yaababonereza ng'ekiseera kituuse.

Isaia 24:22 ပူးပေါင်းရင်းမြစ်များ

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 24:17

Imwe abantu b'oku nsi mumpulirise! Entiisa n'olwina n'omutego, bibateegereire.

Isaia 42:22

Aye abantu bano abazigu baabaiba era baabanhaga, era baabatega boonaboona baagwa mu biina, baabasibira mu makomera. Abazigu baabayiiga baabagemya aye nga ghazira abawonia, era baabanhaga aye ghaabulagho abanunula okubaiza.

Ezekieli 38:8

Nga ghabiseeghooku ekiseera kinene, mu biseera eby'oluvainhuma ndikulagira okulumba ensi Isiraeli, olutalo ye lwagoya einho ni lugireka agho etyo ng'eri bifulukwa byereere omutaba bantu okumala entangama. Abantu baamu baali basansaine aye mpegaano baira nga bava mu maghanga kamaala, baaba ku nsozi dh'ensi yaibwe eyo nga bali mu miraala.

Zekaria 9:11

Musengwa Katonda akoba ati: “Olw'endagaano ye nakola n'imwe, n'eteebwaku n'akamanhiso ak'omusaayi ogw'ensolo edh'emisengo, ndirekula abantu baimwe baaba ba idembe, naabatoola mu biina ebitaalingamu maadhi, mwe baabasibiranga nga bali mu bunhage.

Zekaria 9:12

Imwe abali mu bunhage, mwire mu kifo kyaimwe eky'okwewogomamu. Mwire kuba mpegaano muli n'eisuubi. Olwaleero ndi kubakakasa nti ebyaimwe byonabyona ebyayonoonebwa mu kudaazibwadaazibwa kwaimwe, ndibibairizaagho naasinzaagho emikuzi ebiri.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,