Isaia 24:21 - Baibuli Ekibono kya Katonda 2014

²¹ Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Isaia 24:21 ပူးပေါင်းရင်းမြစ်များ

Zabbuli 76:12

Abafuzi abamalamu emyoyo, era bakyabazinga abali ku nsi abatiikiza irala baatenha.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 24:4

Ensi ewolongeire n'ebigiriku byayongobera; eitaka likaze n'ebiririku byaniala. Ebiri ghaigulu ku igulu n'ebiri ghansi ku itaka byonabyona bifafaagaine.

Isaia 60:11

Emiryango gyo giidha kubanga miigule, tigiidha kwigalwanga omusana n'obwire. Olwo abantu basobole okukuleeteranga obukombe bw'amaghanga gaibwe, nga bakyabazinga baibwe beene n'ababakulembeiremu mu nhiriri.

Ezekieli 39:1

Agho Musengwa Katonda yankoba ati: “Iwe omuntu, langa akabi akali kwidhira Gogi omufuzi ow'ab'e Mesheki n'ab'e Tubali. Mukobere bino, nze Musengwa Katonda, bye ndi kukoba nti: Bona eno, nze buti nfuuse muzigu y'oli iwe Gogi.

Ezekieli 39:5

Mulifiira eyo mu nsiko. Nze Musengwa Katonda ninze nkobye.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Zefania 1:8

Musengwa Katonda akoba ati: “Nja kubonereza abakungu ba kyabazinga, n'ab'endhu ye, n'abo boonaboona abaagema empisa edh'abamaghanga agandi.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 18:9

Bakyabazinga ab'ensi abaayendanga naye era ni beedhalabyanga bwe balibona omwosi ng'ali kuya, balimulirira era baagegenga.