Isaia 24:20 - Baibuli Ekibono kya Katonda 2014

²⁰ Ensi eritagala ng'oti mutamiivu, yaayuuzibwayuuzibwa ng'oti ntindi. Ebibi byayo bigizitooghereire byagigwisa, era teja kwirayo kusituka.

Isaia 24:20 ပူးပေါင်းရင်းမြစ်များ

Amainhama 41:31

Endhala eyo eriba ya maani inho, ghaaloba na kusigalagho kamanhiso kooleka nga ghaalighooku ebiseera eby'omwero.

Yobu 12:25

Baghaamanta mu nzikiiza eri bedimudimu, yaabaleetera okutagala ng'oti batamiivu.”

Zabbuli 107:27

Amaato gaabayuuzayuuza, baagaaliita ng'oti batamiivu. Waire nga baali bagavugiire entangama, ku olwo baaba ng'oti beega.

Zabbuli 38:4

Ebibi byange byebunze emungo ensinga n'obuleeyi, era bizitogha inho tisobola na kubibbeeda.

Isaia 1:28

Aye alizikiriza abo abamudheemera n'abo abakola ebibi, era yaasaaniagho abo abamuvaaku.

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 29:9

Mwesirughaze mufuuke basirusiru! Mwetulughaze mufuuke batulu! Mutamiire nga timunhweire na ku mwenge! Mutagale nga timukombye ku kitamiiza naire!

Isaia 38:12

Obulamu bwange bwantoolebwaku era bwaja nga buweekereragho, ng'oti ni weema ey'omwayi ye basimbwiregho; era ng'oti n'ekighero kye basaze ku lugoye. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Yeremia 25:27

Agho Musengwa Katonda yankoba ati: “Kobera abantu oti nze Musengwa Katonda Afuga Amagye Katonda wa Isiraeli, nkoba nti, ‘Munhwe mutamiire mutuuke n'okwegoga, era mugwe ghansi nga timukaasobola na kusituka, olw'olutalo lwe nja okubasindikira.’

Yeremia 4:24

Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Yeremia 8:4

Agho Musengwa Katonda yandagira nkobe abantu be nti: “Omuntu bw'agwa, tamala n'asituka? Omuntu bw'adaaliima n'abita ku ngira, tamala naira inhuma?

Okulira 1:14

Ebibi byange byonabyona yabisoloza era mwene n'engalo dhe yaabikolamu ekikoligo, yaakinsiba mu nkoto kyanduyiriza. Musengwa yampaayo mu ngalo dh'abazigu bange be ntasobola kutuulana nabo.

Danieli 11:19

Agho kyabazinga oyo alikyusa yairayo mu bifo eby'okwewogomamu eby'omu nsi ye. Aye balimughangula era eyo n'eriba enkomerero ye.

Amosi 8:14

Abo abalayira emisambwa egy'e Samaria nga bakoba bati, ‘Wo katonda ow'e Dani omukulu.’ Oba bati, ‘Wo katonda ow'e Beerisheba omulamu,’ baja kugwa era balobe kwirayo kusituka.”

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.