Isaia 24:2 - Baibuli Ekibono kya Katonda 2014

² Kiisi muntu alibisibwa mu nsambo n'endala: abantu babuliidho ni bakabona, abairu ni basengwa baibwe, abaguzi n'abatunzi, abawola n'abo ababeewolaku, ababandha n'abo ababandhibwa.

Isaia 24:2 ပူးပေါင်းရင်းမြစ်များ

Amainhama 41:50

Emyaka egy'endhala nga gikaali kutuuka, Yosefu yaazaala abaana babiri abalenzi mu Asenathi mughala wa Potifera kabona ow'e Oni.

2 Ebyomubyanda 36:20

Yaatoola abo abaawonagho mu lutalo, yaabatwala e Babilonia. Baabanga eyo nga bamugheereza era baamala baagheereza n'abaamwiririra ng'aviiregho, okutuusa obwakyabazinga obw'e Perusia bwe bwaidhagho.

Isaia 2:9

Omuntu owabuliidho yaakuba amakiryaivu, n'omukungu yeena yeewombeeka. Kale ni, Wo Musengwa Katonda, otabasonigha naire.

Isaia 24:3

Musengwa Katonda alyonoonayonoona ensi yaagimalamu buli kantu. Atyo bw'akobye era taliroba kukituukiriza.

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 5:15

Buli muntu aliswazibwa, n'abo abeekuluntaza baliisibwa ghansi.

Yeremia 41:2

Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Yeremia 42:18

“Musengwa Katonda Afuga Amagye, Katonda wa Isiraeli, akoba ati, ‘Nga bwe namalira obusungu bwange n'ekiruyi kyange ku bantu b'omu Yerusalemu, era ntyo bwe ndibimalira ni ku imwe, bwe musalagho okuja e Misiri. Mulifuuka ekintu ekitiisa einho, abantu baaboogerangaku nga babayeeyereza bwe babavuma. Era balikozesanga eriina lyaimwe ng'ekikolimo. Era timuliira kabiri mu Buyudaaya naire.’”

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Okulira 4:16

Musengwa mwene yabasansaania, nga takaabafaaku, nga takaata mu bakabona kitiisa, era nga takaagemerwa bakulembeze kivunika.

Okulira 4:6

Ekibonerezo abantu bange kye baafuna kinene okusinga ekibonerezo ekyagheebwa Sodoma, Katonda kye yazikiriza mu kaseera akazira ghe kaaga.

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.