Isaia 24:19 - Baibuli Ekibono kya Katonda 2014

¹⁹ Ensi eryetema entanda, yaagabulukukamu, era yaatengeesebwa ebitaloodheka.

Isaia 24:19 ပူးပေါင်းရင်းမြစ်များ

Zabbuli 75:3

Era akoba oti: “Waire ensi etengeeta, n'ebigirimu byonabyona ni bitengera, nze ndidha kugumya emisingi gyayo.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Okubala 16:31

Bwe yali amaliriza okwogera ebyo byonabyona, eitaka Dathani ni Abiramu kwe baali beemereire lyetema olutanda olunene,

Okubala 16:32

lyabamira aghalala n'eby'omu maka gaibwe, era n'abantu boonaboona abaanonereza Kora ghalala n'ebintu byaibwe byonabyona.

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Amateeka Agokubiri 11:6

Era mwidhukira kye yakola Dathani ni Abiramu batabane ba Eliabu ow'omu kika kya Reubeni. Musengwa Katonda oyo yaleetera eitaka okwasama ng'Abaisiraeli boonaboona babona, lyamira abantu abo, n'ab'omu maka gaibwe, n'eweema dhaibwe, na kiisi kiramu kye baali nakyo.

2 Petero 3:10

Aye olunaku lwa Musengwa luliidha ng'oti mwibi, era olwo eigulu liriwaagho nga liduma inho. Eby'oku igulu birisaanuuka n'omuliro, era ensi n'ebigiriku byonabyona biriya omuliro byasiriira.

2 Petero 3:12

Nga muteegerera era nga mukola ebinaatezaaku okwidha okw'Olunaku lwa Katonda. Ku lunaku olwo eigulu lirigema omuliro lyasiriira n'eby'oku igulu byasaanuuka.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.