Isaia 24:18 - Baibuli Ekibono kya Katonda 2014

¹⁸ Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Isaia 24:18 ပူးပေါင်းရင်းမြစ်များ

Amainhama 19:24

Agho Musengwa Katonda yaagwisa obuganga bwa salufa, ng'oti maadhi, ku Sodoma ni Gomorra, nga buva mu igulu.

Amainhama 7:11

Mu mwaka ogwolukaaga (600) ogw'obulamu bwa Noa, mu mwezi ogwokubiri, ku lunaku olweikumi n'omusanvu olw'omwezi ogwo, enhindo dhoonadhoona edh'amaadhi ghansi mu itaka dhaasembuka, n'ebituli eby'oku igulu byaiguka.

2 Bakyabazinga 7:2

Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

Yobu 20:24

Bw'aligezaaku okulumuka olw'okwewonia okufumitibwa eky'okulwanisa eky'ekyuma ekigumu einho, alifumitibwa akasaale ak'ekyuma eky'ekikomo.

Zabbuli 18:15

Iwe Musengwa Katonda bwe wabakaabukira n'empiriito ey'omuuka ogw'omu nhindo yo n'ewulirwa, emisingi egy'ensi gyayerulwa, n'entobo y'enhandha yaaboneka.

Zabbuli 18:7

Olwo ensi yaayuuga yeesunda, emisingi egy'ensozi gyatengeeta era gyadhugumira; kuba agho Musengwa Katonda yali asungughaire.

Zabbuli 18:8

Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.

Omulangirizi 9:12

kuba ghazira muntu aidhi kiseera kye. Ng'ebyenhandha bwe babigemya mu katimba k'omuvubi, n'enhonhi ni badhigemya ku mutego gw'omuyiizi, n'abantu boona batyo bwe bagwa ku bizibu, byabazinduukiriza ng'oti mutego.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 2:21

beene baingira mu mpuku edh'omu gabaale, ni mu ntanda edh'omu nsozi, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 42:22

Aye abantu bano abazigu baabaiba era baabanhaga, era baabatega boonaboona baagwa mu biina, baabasibira mu makomera. Abazigu baabayiiga baabagemya aye nga ghazira abawonia, era baabanhaga aye ghaabulagho abanunula okubaiza.

Isaia 8:14

Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Yeremia 48:43

Entiisa, n'ebiina, n'emitego, n'ebirindiriire abantu b'e Moabu. Nze Musengwa Katonda, ninze nkobye.

Yeremia 48:44

Buli aligezaaku okulumuka okwewonia entiisa, aligwa mu biina. Ate oyo aliniina n'ava mu biina, aligwa ku mutego, olw'okuba nze Musengwa Katonda namala okutaagho ekiseera eky'okuzikirizaamu Moabu.

Okulira 3:47

Batulumba twatya inho, baatufafaagania era baatuzikiriza.

Ezekieli 11:8

Waire nga mutya okwitibwa empiima, ndireeta abantu abali n'empiima baabalumba.

Ezekieli 12:13

Ndimutega naamugemya mu lutuula lwange, naamutwala mu kibuga Babiloni mu nsi ey'Abakaladea, yaafiira eyo aye nga ekibuga ekyo takiboineeku naire.

Ezekieli 15:7

Ndibeefuulira naababonereza ni bwe balirumuka batya okuwona omuliro, era gulibookya. Kale ni bwendyefuulira abantu abo ni mbabonereza, mulimanha nga ninze Musengwa Katonda.

Amosi 5:18

Mukagwireku, imwe abenda einho olunaku lwa Musengwa Katonda lutuuke! Mulwenda lwaki? Tiruliba lunaku lwa isanhu, aye luliba lwa bizibu.

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.