Isaia 24:16 - Baibuli Ekibono kya Katonda 2014

¹⁶ Tuliwulira enhembo okuva ensi y'ekoma nga dhisaaka ekitiisa ky'oyo Omutukuvu. Aye nze nkoba nti nga nkagwireku! Ndi kuseenena buseenene mwoyo era naagoogomba naawaagho. Abantu ab'enkwe baba bwa mukusalira banaibwe nkwe. Era enkwe dhaibwe dheeyongera bweyongere okuba embi.

Isaia 24:16 ပူးပေါင်းရင်းမြစ်များ

Zabbuli 106:15

Kale yaabagha kye baamusaba, aye kabiri yaamala yaabaleetera endwaire embi einho eyabagoogombyanga.

Zabbuli 119:158

Abantu abatakutya bangemya obusungu inho buli lwe mbabona, kuba tibagema biragiro byo.

Zabbuli 2:8

Bw'onsaba eky'okufuga amaghanga goonagoona ndidha kukikugha, era nkughe ensi yoonayoona ebe yiyo.

Zabbuli 58:10

Abatuufu balisagamba okubona nga Katonda abonereiza aboonooni; balityankirira omusaayi ogw'ababi.

Zabbuli 65:8

Abantu boonaboona ab'oku nsi waire ab'omu biketezo eby'eghala einho, batya olw'ebyo ebyewuninkiriza by'okola. Iwe oleetera ensi yoonayoona okukuba emizira, okuva endhuba y'eva okutuuka y'egwa.

Zabbuli 67:7

Katonda atughaire enkabi; ensi yoonayoona k'emutye okuva y'eva okutuuka y'ekanga.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Isaia 10:16

Kale ni, Musengwa Katonda Afuga Amagye alisindika obulwaire bwagoogombya abalwani ba kyabazinga w'Assiria abageedhu obukalamu, yaabaleetera okukyemuka mu mibiri ng'oti bwa muliro.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 17:4

Musengwa Katonda era akoba ati: Olunaku olwo bwe lulituuka, ebitiibwa by'ensi Isiraeli birikendeera, era mu kifo ky'okukombaghala, eryavughala bwavughale.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 26:15

Wo Musengwa Katonda, oleeteire eighanga lyaife okweyongeraku obunene, waagaziya ensalosalo dhaalyo dhoonadhoona, era ekyo kyayongera okukugheesa ekitiisa.

Isaia 28:5

Olunaku lwidha kutuuka, Musengwa Katonda Afuga Amagye mwene abe ng'oti n'engule y'ebimuli ey'ekitiisa, eri abantu be abaliwonagho.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 42:10

Mwembere Musengwa Katonda olwembo oluyaaka. Ensi yoonayoona leka emusaake! Enhandha leka ewolome n'ebirimu byonabyona olw'eisanhu N'ebiketezo eby'oku nhandha leka byembe n'ababibaaku boonaboona.

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Isaia 52:10

Musengwa Katonda alikozesa omukono gwe omutukuvu ogw'obuyinza, yaalokola abantu be ng'ensi yoonayoona eri kubona.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Yeremia 12:6

Abantu bo beene b'oba nabo aghalala n'ab'ekika kyo, baakuliiremu olukwe. Beeyimbye n'abo abakukiriga. Otabeesiganga ni bweboogera ebiwooma bitya.”

Yeremia 3:20

Aye imwe bwenebwene mwakyuka mwaloba kuba beesigwa ye ndi, ng'oti n'omukazi ava ku iba n'aloba okuba omwesigwa y'ali. Nze Musengwa Katonda, ninze nkobye.’

Yeremia 5:11

Abantu ab'omu Isiraeli n'ab'omu Buyudaaya, tibabaire beesigwa ye ndi naire. Nze Musengwa Katonda, ninze nkobye.”

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Hosea 5:7

Tibabaire beesigwa naire ye Musengwa Katonda era bazaire abaana abatali babe. Aye tibaabite mu Kibinuko eky'Okuboneka kw'Omwezi, baja kuzikirira beene ghalala n'enimiro dhaibwe.

Hosea 6:7

“Aye boona okufaananaku ni Adamu baamenha endagaano ye nakola nabo, baaloba kuba beesigwa ye ndi.

Abalevi 26:39

Abatono ku abo abanaawonangagho mu nsi y'abazigu baibwe, banaasensemukanga baawaagho olw'ebibi byaibwe, n'olw'ebibi bya badhaadha baibwe.

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Habakkuku 1:13

Amaiso go matukuvu tigagwaine kubona kibi, oba okulinga ku akola ekibi. Kale lwaki olingirira obulingirire abantu abo abateesigika? Lwaki osirika busirike ng'abakozi b'ebibi bazikiriza abantu ababasinga obulungi?

Habakkuku 1:3

Lwaki ondeka ni ngwa ku bizibu? Lwaki olingirira bulingirire ng'abantu bakola ebibi? Buli ghe ninga mbona bikolwa bya bukambwe na kuzikiriza, abantu basoola era baalwana.

Mariko 13:27

Agho ng'atuma bamalaika nga basoloza abalonde be okuva mu mpewo eina, okuva ensi y'ekoma okutuuka eigulu ye likoma.

Ebikolwa by'Abatume 13:47

kuba ekyo Musengwa kye yatulagira, bwe yatukoba ati, ‘Nkutairegho obe ekimuliikirira eri abamaghanga agandi, obe obulokozi bw'ensi yoonayoona.’ ”

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.