Isaia 24:13 - Baibuli Ekibono kya Katonda 2014

¹³ Kityo bwe kiriba mu maghanga goonagoona ag'omu nsi. Kiriba ng'oti ni mu biseera eby'amakungula nga bamaze okukuba ebibala okuva ku miti emyoliva, n'okunoga emizabbibu egisembayo.

Isaia 24:13 ပူးပေါင်းရင်းမြစ်များ

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 17:4

Musengwa Katonda era akoba ati: Olunaku olwo bwe lulituuka, ebitiibwa by'ensi Isiraeli birikendeera, era mu kifo ky'okukombaghala, eryavughala bwavughale.

Isaia 27:12

Ku lunaku olwo, Musengwa Katonda alisoloza abantu be Abaisiraeli, okuva ku mwiga Eufurate okutuuka ku kaiga ak'oku nsalosalo ni Misiri, ng'oti n'omuntu asensa engaano okuva mu biwusu.

Isaia 6:13

Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Yeremia 44:28

Aye ghalibaagho abatono bati ku imwe abaliwona okufa, ni bava e Misiri ni baira mu Buyudaaya. Olwo abo abaliwonagho balimanha oba nga ebibono ebyange n'ebituukiriire, oba ebyaibwe.

Ezekieli 7:16

Aye abaliwonagho balirumukira mu nsozi, baaba ng'oti n'amayemba ag'omu biiko agatiire ni galumukayo. Boonaboona baliba mu kulira maziga, nga buli muntu alira olw'ebibi bye.

Abalevi 19:9

“Bwe munaabanga mukungula ebirime byaimwe, mutamalirangayo irala ebisembayo ku mbibi dh'enimiro dhaimwe, oba okwirayo einhuma okulonderera ebyo ebiba bisigaireyo.

Mika 2:12

“Aye imwe abantu bange Abaisiraeli, abaliwonagho, nja kubasoloza mbaleete ghalala ng'omwayi bw'asoloza entaama dhe mu kisibo kyadho. Era ekiketezo kyaimwe kija kwiramu okwidhula abantu nga baseregulya buseregulye ng'oti n'ekyayiro ekirimu entaama kamaala.”

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Okwolekebwa 3:4

Aye mu Sarudi olimu n'abandi abatonotono abatayonoonanga bivaalo byaibwe: balitambula ninze mu bivaalo ebyeru kuba bagwaine.