Isaia 24:12 - Baibuli Ekibono kya Katonda 2014

¹² Ekibuga kisigaire agho kityo, nga kiri bwa bifulukwa byereere. Emiryango gyakyo bagikubyekubye, baagireka nga gimenheikemenheike.

Isaia 24:12 ပူးပေါင်းရင်းမြစ်များ

Isaia 14:31

Imwe Abafilisiti ababa mu bibuga, mulire amaziga! Imwe Abafilisiti mwenamwena, mutekemuke mutye! Enkungu eri ng'oti kire eri kuva ku luuyi olw'omukono omugooda olw'e buvandhuba; eryo nga n'eigye ly'abazigu eriziramu mulwani adhugumira waire omulala ati.

Isaia 32:14

Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.

Isaia 32:19

Aye amabaale ag'omugozi galikuba ebibira byasaanagho, n'ekibuga kyazikirizibwa.

Isaia 45:2

“Nze mwene ndikukulemberamu, naasenda ensozi dhaafuuka museetwe. Ndimenhamenha endhigi dh'ekyuma ky'ekikomo, naakutulamu eminhololo egidhisiba egy'ekyuma ekigumu einho.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 1:1

Ha, ekibuga ekyaidhulanga abantu kamaala, kyasigalira kweinhamira. Ekibuga ekyateebwangamu ekitiisa ensi yoonayoona, buti kiri ng'oti namwandu! Ekyalinga ng'oti ni muka omufuzi, buti kyafuuka ng'oti mukazi mwiru.

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Okulira 2:9

Endhigi dhaakyo dhaagwa era ebiwumpu byadheebungaku, n'eminhololo egyadhisibanga gyamenhekamenheka. Kyabazinga waamu n'abakungu be bali eyo mu maghanga mu bunhage, era mu kibuga ekyo timukaalimu mateeka. Abalanzi baamu tibakaabonekerwa Musengwa Katonda.

Okulira 5:18

Olw'okuba olusozi Sioni lwasigalira agho nga tighakaali alubaaku, ebibe ni byonka ebirutambuliratambuliraku nga byagala eky'okulya.

Mika 1:12

Abantu ab'e Marothi beeraliikirivu nga tibaidhi oba banaafuna anaabayamba, kuba babona nga Musengwa Katonda aseesiisa ebizibu kumpi inho ni Yerusalemu.

Mika 1:9

Kuba Samaria alwaire amabwa ga kokolo agatali ga kuwona, era gatuuse n'okugema Buyudaaya okuzikirira kuseese kwatuukira irala ku mulyango gwa Yerusalemu, ekibuga abantu bange mwe baba.”

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.