Isaia 24:1 - Baibuli Ekibono kya Katonda 2014

¹ Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 24:1 ပူးပေါင်းရင်းမြစ်များ

2 Bakyabazinga 21:13

Ndibonereza Yerusalemu ng'oti bwe nabonereza Samaria, era ng'oti bwe nabonereza kyabazinga Ahabu owa Isiraeli n'ab'endhu ye. Ndisaaniagho abantu mu Yerusalemu, ng'oti n'omuntu bw'asiimuula esowaani n'agikaza, ate n'amala n'agifundika.

Nehemia 1:8

Idhukira ekibono kye wakoba omugheereza wo Musa, oti, ‘Bwe mutaabenga beesigwa ye ndi, ndidha kubasansaanizanga eyo mu maghanga.

Zabbuli 146:9

Musengwa Katonda akuuma abasenze, be tusenza mu nsi yaife, yaayamba banamwandu ni bamulekwa. Aye azikiriza ebyo abakozi ab'ebibi bye bakola.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 24:19

Ensi eryetema entanda, yaagabulukukamu, era yaatengeesebwa ebitaloodheka.

Isaia 24:20

Ensi eritagala ng'oti mutamiivu, yaayuuzibwayuuzibwa ng'oti ntindi. Ebibi byayo bigizitooghereire byagigwisa, era teja kwirayo kusituka.

Isaia 27:10

Ekibuga ekyabangaku ebimante ebigumu ebikyezungulwire, mpegaano kiri bifulukwa byereere, era kirekeibwa bwagho nga kyereere ng'oti irungu. Kifuuse kyayiro ensolo mwe dhiriira nga dhikooza amakaba g'emiti, era ni dhiwuumulira omwo.

Isaia 29:16

Bafuulaniafuulania ebintu inho! Bwenebwene ole asobola okugeza omuwumbi ku itosi obutosi? Ekintu omuntu ky'akoze kisobola okukoba eyakikola kiti: “Ti niiwe eyankola?” Oba, ekiwumbe okukoba eyakiwumba kiti: “Totegeera naire?”

Isaia 29:2

memale mbabonereze. Abantu baliwowoola amaziga baanakughala, era ekibuga ekyo kiriba ng'oti alutaari yeene, nga kisaabaine omusaayi.

Isaia 30:32

Musengwa Katonda alibanga eno ng'alikubabonereza, ng'ere abantu be bali kusagambira na kwembera ku bugoma na ku ndingidi. Musengwa Katonda mwene n'alirwanisa abazigu abo Abassiria, ng'akozesa eby'okulwanisa ebitiisa.

Isaia 32:12

Mute emikono mu nkoto munakughale, olw'enimiro enungi n'emizabbibu egyama einho,

Isaia 33:9

Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 34:10

Omuliro ogwo tigulizikira omusana n'obwire, era guliniokanga omwosi lubeerera. Ensi eyo erifuuka bifulukwa ebyanda n'ebyanda, era ghazira muntu aliirayo kugibitamu kabiri.

Isaia 34:2

Musengwa Katonda asungughaliire amaghanga goonagoona, yaasungughalira n'amagye gaago goonagoona, era yaagaghaayo y'abazigu bagazikirize goonagoona.

Isaia 42:15

Ndyonoonayonoona ensozi n'obusozi, naakaza eisubi n'emiti ebidhiriku. Emiiga ndigifuula bizinga, naakaza n'ebidiba eby'amaadhi.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Yeremia 4:7

Azikiriza amaghanga aviireyo, aviireyo ng'oti mpologoma eva mu kisaka kyayo. Aidhie okufafaagania ensi yaimwe; ebibuga byaimwe biidha kufuuka bifulukwa byereere, nga biziramu bantu babibaamu.

Yeremia 40:15

Agho Yohanani yaamukoba mu kyama ati: “Ka nje ndhite Ishimaeli, ghazira aidha kumanha amwise. Lwaki tumuganha okukutemula? Ekyo kiidha kuleetera Abayudaaya boonaboona abeesololeza ghano gh'oli okusansaana, era kireeta akabi ku abo abaasigala mu Buyudaaya boonaboona.”

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 51:34

Kyabazinga Nebukadinezzari ow'e Babilonia yasalasala ekibuga Yerusalemu yaakirya. Yaakimalamu ebintu, kyasigala nga kikaya ng'oti n'ensugha ye bavudhumwiremu amaadhi. Yaaba ng'oti n'ogusota ogw'omu nhandha, yaakimira. Yaatwala buli kye yeerobozaamu, ebyasigalagho yaasuula ere.

Yeremia 9:16

Ndidha kubasansaaniza mu maghanga, beene ni badhaadha baibwe, ge batawulirangaku naire. Era ndidha kubasindikaku amagye gabalumbe, okutuusa lwe ndibazikiriza okubamalagho.”

Ezekieli 12:20

Ebibuga byonabyona buti ebirimu abantu birizikirizibwa, ensi eyo yaasigala agho bifulukwa byereere. Olwo balimanha nga ninze Musengwa Katonda.”

Ezekieli 24:11

Agho leka sefuliya eyo endhereere ey'ekyuma ky'ekikomo esigale ku muliro, esuughe eyengerere, eikoodera lyonalyona erigirimu lisaanuuke n'obutalaivu buye buweemu.

Ezekieli 35:14

Kale Musengwa Katonda oyo kyava akoba ati: “Ndikuleetera okusigala agho otyo ng'oli bifulukwa byereere. Olwo ensi yoonayoona yaasagamba,

Ezekieli 5:14

Ekibuga kyaimwe Yerusalemu ndikifuula kifulukwa, era kyaba ekivumo eri amaghanga goonagoona agabeezungulwire, n'eri ababise boonaboona ababitagho.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Ezekieli 6:14

Ndigolola omukono gwange naababonereza, era naazikiriza ensi yaibwe yaafuuka bifulukwa, okuviira irala ku irungu okutuukira irala e Ribula. Olwo abantu boonaboona baamanha nga ninze Musengwa Katonda.”

Ezekieli 6:6

Ebibuga eby'omu Isiraeli byonabyona birizikirira, n'ebifo ebigulumivu abantu mwe basinziza byasigala bw'agho nga bifuuse bifulukwa byereere. Alutaari dhaibwe dhiryonoonebwa okuweekereragho, n'ebifaananie byaibwe bye basinza ebitali Katonda byamenhebwamenhebwa okusaanizibwagho. Ni alutaari dhaibwe edhiniokezebwaku obubbaani, dhoona abazigu balidhikontakonta baadhimaniangula, era baayeyaagho ebintu byonabyona abantu b'omu Isiraeli abo bye baakola.

Ezekieli 7:12

Ekiseera kituuse, olunaku lutuuse, omuguzi alekere okusagamba, n'omutunzi alekere okulira amaziga kuba boonaboona Katonda abasungughaliire.

Ezekieli 7:14

Eigwala livuze basobole okutegekebwa, aye ghazira ali kuseguka kuja mu lutalo kuba boonaboona Katonda abasungughaliire.

Nahumu 1:5

Musengwa Katonda gh'aba, musisi atengeesa ensozi enene, obusozi obutono bwasaanuuka, ensi yoonayoona yeesunda, n'abantu baamu boonaboona baadhugumira.

Nahumu 2:10

Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Ebikolwa by'Abatume 17:6

Era bwebataababona, baakwekwebya Yasoni n'aboluganda abandi baabatwala y'abalamuzi nga bwe baasiikana bati: “Abantu bano abaleeta ebizibu woonawoona, baidhie ni ghano,

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 32:26

Naalikobye nti, ka mbasansaanize eyo eghala, ghalobe kubaagho abaidhukira waire omulala ati.

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.