Isaia 23:4 - Baibuli Ekibono kya Katonda 2014

⁴ Oswaire iwe Sidoni! Enhandha ekwegaine n'amaadhi gaayo amangi, eti: “Nze tirumwangaku kuzaala, era tizaalangaku naire. Tikuzangaku mwana, k'abe mulenzi oba mughala.”

Isaia 23:4 ပူးပေါင်းရင်းမြစ်များ

Amainhama 10:15

Kanaani yazaala Sidoni, omwana we omuberi, ni Hethi,

Amainhama 10:19

Ekiketezo eky'Abakanaani nga kiva mu Sidoni, kyaja nga kyolekeire e Gerari kyatuuka e Gaza era kyaja nga kyolekeire e Sodoma, Gomorra, Adama ni Zeboiimu, kyatuukira irala e Lasha.

Yeremia 25:22

bakyabazinga boonaboona ab'e Tiro n'ab'e Sidoni, ni bakyabazinga ab'ebiketezo eby'oku nhandha

Yeremia 27:3

Memale mpeereze obukwenda eri bakyabazinga bano: ow'e Edomu, n'ow'e Moabu, n'ow'e Ammoni, n'ow'e Tiro, n'ow'e Sidoni, nga mbita mu bakwenda baibwe abaidha e Yerusalemu okubona kyabazinga Zedekia.

Ezekieli 28:21

“Iwe omuntu, amaiso go galingirize ekibuga Sidoni, olange akabi akali kukiidhira.

Ezekieli 28:22

Okikobere bino, nze Musengwa Katonda, bye ndi kukikoba nti: Bona eno iwe ekibuga Sidoni, buti nfuuse muzigu y'oli, era abantu balisaaka ekitiisa kyange olw'ebyo bye ndikola mu imwe. Bwe ndyoleka nga bwendi omutukuvu, ni nsalira abo abakubaamu omusango era ni mbabonereza, olwo balimanha nga ninze Musengwa Katonda.

Yoshua 11:8

Musengwa Katonda yaagha Isiraeli obughanguzi, baabingirira abazigu baibwe baabalwanisa okubatuukiza irala mu kibuga Sidoni Ekikologho n'e Misirefothi Maimu ku luuyi olw'omukono omugooda ng'olingiriire e buvandhuba. Era baababingirira n'okubatuukiza irala mu kiiko eky'e Mizipa ku luuyi olw'e buvandhuba. Baaja nga babalwanisa okutuusa lwe baabamalagho okubaita.

Okwolekebwa 18:23

Okumulika okw'entaala tikuliirayo kabiri kuboneka mu iwe, waire amamiro ag'oyo abayiiza omugole oba ag'omugole mwene, okwirayo okuwulirwa mu iwe. Abaasuubuliranga mu iwe abaali abakologho ku nsi wabaguya, n'amaghanga goonagoona wagaguyanga n'obulogo bwo.”

Abalamuzi 10:6

Agho Abaisiraeli kabiri baakola ebibi ye Musengwa Katonda, nga basinza emisambwa, Baali ni Ashitarothi. Era baasinza bakatonda b'Abasiria, n'ab'Abasidoni, n'ab'Abamoabu, n'ab'Abammoni, n'ab'Abafilisiti. Abaisiraeli abo, baava ku Musengwa Katonda, baalekera agho okumusinza.