Isaia 23:17 - Baibuli Ekibono kya Katonda 2014

¹⁷ Emyaka ensanvu bwe giriwaaku, Musengwa Katonda alireka Tiro kyaira ku bye kyakolanga eira. Kiriiramu kabiri okusuubulagana n'obwakyabazinga bwonabwona ku nsi.

Isaia 23:17 ပူးပေါင်းရင်းမြစ်များ

Isaia 23:15

Olunaku olwo bwe lulituuka, abantu balyerabira Tiro, okumala entangama ya myaka nsanvu, egiri ng'oti n'egya kyabazinga gy'amala ng'ali kufuga. Egyo bwe giriwaaku, Tiro kiriba ng'oti ni malaaya mu lwembo luno:

Isaia 23:16

“Iwe malaaya ye beerabira, gema entongooli, oje ng'otambulatambula mu kibuga. Ogikube bukalamu nga bw'oyemba olwembo olunhuma, memale olwo bakwidhukire.”

Yeremia 25:11

Ensi eyo yoonayoona eja kufuuka bifulukwa byereere mu nsambo etiisa einho, era amaghanga agaliiraine agho galigheerezanga kyabazinga wa Babilonia okumala entangama ya myaka nsanvu.

Yeremia 29:10

“Musengwa Katonda akoba ati, ‘Emyaka ensanvu gye nagha Babilonia okubafugiramu bwe giriwaaku, imwe ndibooleka nga bwe mbalumirwa, naatuukiriza kye nasuubiza eky'okubaiza eka.

Ezekieli 16:25

Olw'emboneka yo enungi, mu buli maagaanana ga luguudo wataagho ekifo okukoleramu obwamalaaya, weekubanga ku buli muntu eyabitangagho. Mu nsambo eyo obwamalaaya bwo bweyongerangaku buli lunaku.

Ezekieli 16:26

Wayendaku ni ku Bamisiri, baliraanwa bo abeegombi ng'oti ki! Obwamalaaya bwo bweyongerangaku bweyongere, wansonsoonia wandeetera okusungughala.

Ezekieli 16:31

ni weezimbira mu buli maagaanana ga luguudo amasabo okukoleramu obwamalaaya, ni mu buli luya lwa kibuga n'ozimbamu ebifo ebigulumivu eby'okusinzizaamu ebintu ebyo ebitali nze Katonda. Aye ate waaba nga toli kunoonia mpiiya ng'oti ni malaaya eyeetunda!

Ezekieli 22:13

“Kale bona eno, ndikubonereza n'amaani olw'obunhazi bwo n'obutemo bwo.

Mika 1:7

“Ebifaananie abantu baamu bye babaire basinzanga, abazigu baibwe baja kubimenhamenha. Ebintu ebyagheebwanga bamalaaya ab'omu masabo byonabyona bija kwokebwa omuliro. Ebyo byonabyona ebisinzibwa ebitali Katonda bija kubungibwa bwagho. Olw'okuba ebintu ebyo byafunibwa mu ebyo ebigheebwa bamalaaya, era n'abazigu boona baidha kubitwala bigheebwe bamalaaya abandi.”

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Nahumu 3:4

Ebyo byonabyona biri kutuuka ku kibuga ekyo Nineve olw'okwebisa nga malaaya asikiriza ali n'obulezi bwene obwita; kuba kisendasenda amaghanga okugakiidhamya era kyakozesa obulezi bwakyo okugafuula abairu.

Zefania 2:7

Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Ebikolwa by'Abatume 15:14

Simoni ainhonhoire nga Katonda bwe yasooka okwoleka ng'alumirwa abamaghanga agandi, yaabalondamu abantu ab'okuba ababe.

Amateeka Agokubiri 23:18

Empiiya edhifuniibwa omukazi oba omusaadha mu bwamalaaya, mutadhireetanga mu ndhu ya Musengwa Katonda waimwe okutuukiriza bye mweyama, kuba Musengwa Katonda waimwe yeenhinhata obwamalaaya.

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

1 Timotheo 3:8

Abagheereza mu Kikunsu eky'Abaikiriza mu Kurisito boona bateekwa okuba abantu abakalamu, ti baguya, ti batamiivu, era abatagwidhubanira bya kufuna.

1 Petero 5:2

okwayanga obukalamu ebyayo bya Katonda bye yabagemya. Mutakolanga mutyo lwa kukakibwa, aye mukolenga n'omwoyo ogwenda, era nga ti lwa kugwidhubanira bya kufuna.

Okwolekebwa 19:2

Bw'asala omusango tasaliriza, aba mutuufu; kuba asaze omusango gwasinga malaaya omukulu eyayonoona ensi n'obwenzi bwe. Malaaya abonerezeibwa olw'okwita abagheereza ba Katonda.”