Isaia 23:11 - Baibuli Ekibono kya Katonda 2014

¹¹ Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Isaia 23:11 ပူးပေါင်းရင်းမြစ်များ

Amainhama 9:25

yaakoba ati: “Kanaani akolimirwe aidha kubanga mwiru wa baganda be.”

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Zabbuli 71:3

Nfuukira olubaale olw'okwewogomamu, era ombeere ekimante ekigumu ekineezungulwire eky'okumponia; kuba oli ng'oti lubaale era ng'oti kimante kigumu mwe neewogoma.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 14:26

Ekyo kye ntegekeire ensi, era buti mmaze okugalula omukono gwange, nja kubonereza amaghanga goonagoona.”

Isaia 19:5

Amaadhi ag'omwiga Kiyira galikendeera, omwiga ogwo gwaja nga guseenena okutuusa okukala.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 23:10

Imwe abatyamye b'e Tarushishi, mwidhule ensi ng'oti n'omwiga Kiyira bwe gwidhula ni gubanda n'okubanda. Buti tighakaaligho kibalobera, ensi yaimwe.

Isaia 23:3

baasaabala enhandha okuja okugula engaano y'e Misiri, eyakuzibwa omwiga Kiyira, baaja baasuubulagana n'amaghanga agandi.

Isaia 25:2

Ebibuga obireeteire okufuuka emungo dh'ebimunku, waazikiriza ebifo byamu eby'okwewogomamu. Ebisaagaati eby'abazigu baife eby'obwakyabazinga tibikaaligho, era tibiriiramu kuzimbwa kabiri.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Yeremia 47:7

Aye empiima enaawuumula etya nga ngighaire omulimo ogw'okukola? Ngiragiire okulumba Ashikeloni n'abantu ababa ku mbali kw'enhandha.”

Ezekieli 26:10

Baliba n'embalaasi kamaala, dhaasiikuula enkungu waagibuliramu n'okugibuliramu. Empindo ey'embalaasi, n'ebigaali eby'okutambuliramu, n'ebigaali eby'omu lutalo, eritengeesa ebimante byo nga bali kubita mu miryango gyo, okwingira mu kibuga ekimaze okuwomolwawomolwa.

Ezekieli 26:4

Galimenhamenha ebimante byo ebikwezungulwire n'ebituuti byo ebirengererwaku. Era nze Musengwa Katonda mwene ndighalagata eitaka lyonalyona erikulimu iwe Tiro, naalimalamu waasigala lubaale lwereere.

Ezekieli 31:16

Bwe ndigusuula e magombe ghalala n'abo abaika eyo mu lwina, omuvuuma ogw'okugwa kwagwo gulitengeesa amaghanga. Emiti gyonagyona egy'omu Edeni, n'egyo egy'e Lebanoni gyonagyona egisinga bulungi egyanhwa amaadhi, era egyaserengeta mu itaka, girisangaala olw'okugwa kwagwo.

Nahumu 1:14

Kino Musengwa Katonda ky'alagiire ekigema ku imwe Abassiria ati: “Eriina lyaimwe lija kwerabirwa, kuba tija kubaganha kufuna baidhukulu. Nja kuzikiriza ebifaananie eby'emisambwa gyaimwe ebyabaadhibwa, n'ebyo ebyakolebwa mu kyuma ekisaanuusiibwa ebiri mu masabo. Ndidha kubasimira amagombe, kuba timugwaine kuba ku nsi nga muli balamu.”

Haggai 2:7

Nja kutengeesa amaghanga goonagoona, eby'obukombe byago byonabyona bireetebwe ghano, olwo ndidhuze eisinzizo lino eby'obukombe.

Zekaria 14:21

Entamu dhoonadhoona mu Yerusalemu ni mu Buyudaaya dhiryawulibwa nga dha Musengwa Katonda Afuga Amagye. Olwo abaja okughaayo emisengo balitoolanga ku edho baafumbamu emamba ey'omusengo. Mu kiseera ekyo, mu isinzizo lya Musengwa Katonda Afuga Amagye timulibaamu kabiri musuubuzi waire omulala ati.

Mariko 11:17

Agho yaayegeresa ng'abakoba ati: “Tikyaghandiikibwa kiti, ‘Endhu yange enaayetebwanga yaakusabiramu amaghanga goonagoona.’ Aye imwe mugifiire mpuku ya banhazi!”

Yoanne 2:16

Yaalagira abaali bali kutunda enjiibwa ati: “Bino mubitoole ghano. Era mulekere okufuula endhu ya Lata wange ekiya!”