Isaia 22:7 - Baibuli Ekibono kya Katonda 2014

⁷ Ebiiko bya Buyudaaya ebisingamu bugimu byaidhula bwa bigaali bya mu lutalo. Abaisirukale ab'oku mbalaasi beesimba ku miryango gy'ekibuga Yerusalemu.

Isaia 22:7 ပူးပေါင်းရင်းမြစ်များ

Isaia 22:6

Abaisirukale b'omu nsi Elamu baidhira ku bigaali by'omu lutalo ni ku mbalaasi, nga bagemye obulaso n'obusaale. N'abaisirukale b'omu nsi Kiri baidha nga bagemye engabo.

Isaia 22:8

Olwo obusobozi bwa Buyudaaya okwekuuma abazigu, bwaba nga tibukaaligho naire. Ebyo nga bimaze okubaagho, mwaja mwaleeta eby'okulwanisa okuva mu eyetebwa Endhu ey'Ekibira.

Isaia 37:34

Engira emuleese yeene eyo yaidha okugema, aireyo nga taingiireeku mu kibuga kino. Nze Musengwa Katonda, ninze nkobye.

Yeremia 1:15

Bona eno, ndyeta abantu b'omu bwakyabazinga bw'eyo ku luuyi olw'omukono omugooda olw'e buvandhuba. Bakyabazinga baayo baliidha baata ebityamo byaibwe eby'obwakyabazinga ku miryango gy'e Yerusalemu, n'okwezunguluza ebimante ebikiriku, era n'okwezunguluza ebibuga ebindi eby'omu Buyudaaya.

Ezekieli 4:2

Bw'omala, zimba ku kibuga ekyo ekimante eky'okukizingiza, obunge n'emungo dh'eitaka ku kimante ekyo edh'okuniiniraku okukirwanisa. Bw'omala, okisimbeku weema okukyezunguluza edh'abazigu ab'okukirumba, era okisimbeku n'ebintu eby'okukozesa okuwomola ekimante kyakyo.

Ezekieli 4:3

Olwo otoole olubaati, olusimbe lukole ng'ekisenge eky'ekyuma ghagati gh'ekibuga ekyo n'iwe. Omale amaiso go ogalingirize ekibuga ekyo, obe ng'oti bazigu bakizingiiza. Ako n'akanaaba akamanhiso eri eighanga lya Isiraeli.