Isaia 22:23 - Baibuli Ekibono kya Katonda 2014

²³ Ndimuleetera okugumira mu kifo kye, ng'oti n'enkondo ye bakomereire n'eguma, era alireetera ab'endhu ya ise okuteebwamu ekinhagansi.

Isaia 22:23 ပူးပေါင်းရင်းမြစ်များ

Ezera 9:8

Aye mperaano mu kiseera ekitono kiti, Musengwa Katonda waife atwoleike ekivunika, yaaleetera abandi ku ife okuwonagho era yaatugha okuba abagumu mu kifo kye kino ekitukuvu. Olwo Katonda waife oyo yaatuwonia obwiru, yaatugha obulamu obuyaaka.

Yobu 36:7

Abatuufu abakuuma; abatyamya ng'oti bakyabazinga, baagulumizibwa ebyanda n'ebyanda.

Omulangirizi 12:11

Abantu abagezi bye boogera byogi, ng'oti n'oluti olusongovu omwayi lw'akozesa okusindiikiriza ente okutambula. Ate ensambo edhaasolozebwa dhisigala nga dhikaaligho, ng'oti n'omusumaali gwe baakomerera ni guguma begulugulu. Era ensambo edho dhaatugheebwa Katonda, Omwayi waife atulabirira.

Isaia 22:24

“Aye ab'endhu ya ise abo balimutwika ebizibu byaibwe, byamuzitoogherera ng'oti n'enkaayi, n'ebikopo, n'ebikozesebwa ebindi ebighanikiibwa ku nkondo ni bigirengeedheraku.”

Isaia 22:25

Musengwa Katonda Afuga Amagye akoba ati: “Olunaku olwo bwerulituuka, enkondo ye baali bakomereire mu kifo kyayo n'eguma, erisimbukayo yaagwa. Era eyo n'eriba enkomerero y'ebyo byonabyona ebigighanikiibwaku.” Musengwa Katonda n'ayogeire.

Zekaria 10:4

Mu abo n'omuliva abafuzi, n'abakulembeze, n'abaduumizi mu magye, abalifuga abantu bange.

Okwolekebwa 3:21

Oyo aghangula, ndimugha obukumu obw'okutyama ninze ku kityamo kyange eky'obwakyabazinga, nga zeena bwe naghangula ni ntyama ni Lata ku kityamo kye eky'obwakyabazinga.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.