Isaia 21:5 - Baibuli Ekibono kya Katonda 2014

⁵ Mbonekeirwa nga bategeike ekiiwulo, baayala ghansi engoye edh'okutyamaku, baatyama, baalya era baanhwa. Okuja okutemya n'okuzibula nga kirangiriirwa kiti: “Imwe abakulu b'abaisirukale, musituke, mutegeke engabo dhaimwe!”

Isaia 21:5 ပူးပေါင်းရင်းမြစ်များ

2 Samueli 1:21

“Imwe ensozi edh'e Giliboa, mugwananga mwaloba kugwaku maadhi waire omusulo obusulo, oba waire amasamba gaimwe okuvaamu ebikungulwa; kuba ku imwe, engabo edh'ab'amaani kwe dhaayonoonerwa, engabo ya Saulo baalekera okugisiiga omuzigo.

Isaia 13:2

“Mughanike bendera ey'olutalo ku lusozi oluziraku isubi naire. Mukaabuke mwete abaisirukale, mubaghemye n'emikono baje ku miryango gy'ekibuga ekirimu abakungu, bakirumbe bakingire.

Yeremia 46:3

“Abaduumizi Abamisiri baakaabuka bati, ‘Mugeme engabo dhaimwe enene n'entono, mwetegekere okuja mu lutalo.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

1 Ab'e Korintho 15:32

Nganhulwamu ki ng'omuntu obuntu, bwe nwana n'ebisolo ebikambwe ghano mu Efeso? Aye oba nga abafu tibazuukira “leka tulye era tunhwe, kuba enkyo tuja kufa”, ng'abandi bwe bakoba.