Isaia 21:13 - Baibuli Ekibono kya Katonda 2014

¹³ Buno n'obukwenda obugema ku Buwarabu: Imwe abatambuze Abadedani mwidha kusulanga mu bisaka mu Buwarabu,

Isaia 21:13 ပူးပေါင်းရင်းမြစ်များ

Amainhama 10:7

Abaana ba Kushi ni bano: Seba, Havila, Sabita, Raama ni Sabiteka. Ate aba Raama ni bano: Sheba ni Dedani.

Amainhama 25:3

Yokoshani yazaala Sheba ni Dedani. Abaana ba Dedani ni bano: Ashurimi, ni Letushimi, ni Leunimi.

1 Bakyabazinga 10:15

nga tobaliireeku oyo eyavanga mu basuubuzi ni mu mpooza ku bitundibwa, n'oyo eyavanga mu bakyabazinga boonaboona ab'e Buwarabu, ni mu bafuzi ab'ebiketezo mu Isiraeli.

1 Ebyomubyanda 1:32

Aburahamu yali n'omukazi ow'embali ng'ayetebwa Ketura, ye yazaalamu abaana bano: Zimurani, Yokoshani, Medani, Midiani, Ishibaki, ni Shua. Yokoshani yaazaala Sheba, ni Dedani.

1 Ebyomubyanda 1:9

Kushi yaazaala: Seba, Havila, Sabita, Raama, ni Sabiteka. Raama yaazaala: Sheba, ni Dedani.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Isaia 21:12

Nze omukuumi naamwiramu nti: “Bwidha kukya, kabiri bwiremu buzibe. Bw'onaayenda okubuuza kabiri, onaira waabuuza.”

Yeremia 49:8

Imwe abantu ab'e Dedani, mukyuke mulumuke, muje mwegise! Nja kuzikiriza baidhukulu ba Esau, kuba ekiseera kituuse eky'okubabonereza.

Ezekieli 27:15

Ab'e Dedani baasuubulagananga n'iwe, n'ab'omu biketezo eby'oku nhandha kamaala boona baasuubulagananga n'iwe, baakuleeteranga amasanka n'embaawo, waabasasulamu bye wasuubulanga.

Ab'e Galatia 4:25

Hagari oyo, n'olusozi Sinai oluli mu Buwarabu era afaanana ni Yerusalemu ekya mperaano, ekiri mu bwiru n'abantu baakyo boonaboona.