Isaia 21:10 - Baibuli Ekibono kya Katonda 2014

¹⁰ Imwe abantu bange Abaisiraeli, mubairenga mumulungulwa era mwasensebwa ng'oti ngaano. Aye mpegaano mbakobera amawulire amalungi ge mpuliire okuva ye Musengwa Katonda wa Isiraeli, Afuga Amagye.

Isaia 21:10 ပူးပေါင်းရင်းမြစ်များ

1 Bakyabazinga 22:14

Aye Mikaia yaakoba ati: “Ndayira mu Musengwa Katonda omulamu nti, ndidha kwogera ekyo Musengwa Katonda oyo ky'anankoba okwogera.”

2 Bakyabazinga 13:7

Yehoahazi tiyasigazaagho igye lirimu balwani baswika mu makumi ataanu (50) ab'oku mbalaasi, oba ebigaali eby'omu lutalo ebiswika mu ikumi (10), waire abaisirukale abaswika mu mutwalo omulala (10,000) ab'oku bigere kuba kyabazinga wa Siria yazikiriza abandi boonaboona, yaabatyankirira ng'oti nkungu ey'omu kifo ghe bakubira engaano.

Isaia 28:28

Omuntu tamulungula ngaano ya migaati kadeeberero n'atuuka na kugitentena. Bw'aba ali kuginiiniaku ekigaali ekighaluzibwa embalaasi okugimulungula, agyegendereza yaaloba kumanhiangula mpeke.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 51:33

Akaseera kasigaire katono abazigu batyankiririre abantu b'omu Babilonia, ng'oti ngaano mu kifo aghakubirwa engaano. Nze Musengwa Katonda Afuga Amagye, Katonda wa Isiraeli, ninze nkobye.”

Ezekieli 40:4

Omusaadha oyo yankoba ati: “Iwe omuntu, lingirira weekalirise bye nja okukwoleka, obitegere amatu, era obiteeku omwoyo kuba ekyo n'ekikuleeteisa ghano mbikwoleke. Bw'onaamala, byonabyona oidha kubikobera ab'eighanga Isiraeli.”

Amosi 3:8

Empologoma bw'ewologoma, naani asobola obutatya? Musengwa Katonda bw'ayogera, naani aghanga okuloba okulangirira obukwenda bwe?

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Habakkuku 3:12

Watambula mu nsi ng'oliku ekiruyi, era waatyankirira amaghanga mu busungu obungi.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”