Isaia 20:4 - Baibuli Ekibono kya Katonda 2014

⁴ Kale ni kyabazinga w'e Assiria yeena atyo bw'alitwala abanhage ab'e Misiri n'ab'e Ethiopia, abakulu n'abato, nga bali madu era nga bazira na ngaito mu bigere. Balija batyo nga n'obunhuma bwaibwe ti bughembe bwaku, ekyo kireetere Misiri okuswala.

Isaia 20:4 ပူးပေါင်းရင်းမြစ်များ

2 Samueli 10:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

1 Ebyomubyanda 19:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

Isaia 19:4

Ndighaayo Abamisiri abo, naabataaku omufuzi omukakali kaabuluuku; kyabazinga omukambwe yaabafuga. Nze Musengwa Katonda Afuga Amagye ntyo bwe nkobye.”

Isaia 3:17

Aye nze Musengwa Katonda ndidha kuleetera emitwe gy'abakazi b'omu Yerusalemu abo okugwa empaata basigale nga bazira nviiri ku mitwe, era mpembule ebitundu byaibwe eby'ekyama.”

Isaia 31:2

Ate ng'aidhi bukalamu by'akola. Aja yaaleetagho akabi era yaaloba kukyusaamu ky'akobye naire. Yaabonereza abakozi b'ebibi, n'abo ababayambaku okukola ebibi.

Isaia 31:3

Abamisiri bantu buntu, se ti Katonda. N'embalaasi dhaibwe dhiri na mubiri, se ti mwoyo mwereere. Musengwa Katonda bw'aligalula omukono gwe okubonereza, abayambi baligangalima, era n'abo be bayamba baagwa, olwo boonaboona baazikirira.

Isaia 47:2

Ja ku lubengo ogeme enso, ose ensaano. Weeghembule mu maiso ekitambaala, otoolemu ekivaalo kyo eky'oku ngulu, ofungize ku bikooyi byo, oje odooke emiiga osomoke.

Isaia 47:3

Abantu balikubona ng'oli madu, nga bakuswaziiza n'ensoni dhaakugema. Nja kwesasuuza era ezira muntu ye ndisaasira naire.”

Yeremia 13:22

Bwe weebuuza mule lwaki ebyo byonabyona bikutuuseeku, ni bakukanulaku ebivaalo byo, ni bakugema eby'entaka era ni bakukaka okuba niiwe? Okwiramu kuli nti, lwa kuba ebibi byo binene inho.

Yeremia 13:26

Musengwa Katonda mwene aja kubatoolamu ebivaalo byaimwe, mube madu muswale.

Yeremia 46:19

Imwe abantu b'e Misiri, mwetegeke okutwalibwa mu bunhage. Abazigu balizikiriza Menfisi kyafuuka bifulukwa, ghaabulagho omuntu akibaamu.

Yeremia 46:26

mbagheeyo y'abo abenda okubaita, mbate mu ngalo dha kyabazinga Nebukadinezzari ow'e Babilonia n'eigye lye. Aye nga ghabiseeghooku entangama, abantu baliirayo baaba mu Misiri nga bwe baalinga eira. Nze Musengwa Katonda, ninze nkobye.”

Ezekieli 30:18

Lwe ndikomya obufuzi bwa Misiri enzikiiza erigema mu kibuga Tehafunehesi, olwo naalekeza amaani agabaleetera okwekuluntaza. Ekire kirighemba ku Misiri, abantu baamu baatwalibwa mu bunhage.

Amosi 9:7

Musengwa Katonda akoba ati: “Imwe Abaisiraeli, mulowooza muti muli ba ndhawulo ku Baethiopia? Kituufu imwe nabatoola mu Misiri mu bwiru, aye n'Abafilisiti boona nabatoola mu Kafutori, n'Abasiria naabatoola mu Kiri.

Mika 1:11

Imwe abantu ab'e Shafira mwidha kutwalibwa mu bunhage nga muli madu era nga muswaire. Imwe ababa mu kibuga Zaanaani mutageza ni muva mu kibuga kyaimwe. Bwe munaawulira okulira okuva e Bethezeli munaamanha ng'eyo bw'ezira gha kwewogoma.

Nahumu 3:10

Aye waire kyali kityo, abantu b'omu kibuga ekyo Thebesi baabatwala mu bunhage. Abaana baamu abato baabakuba ghansi mu buli maagaanana gaakyo baabasekembula okutuusa okufa. Abantu baamu ab'ekitiisa baasibwa ku ndhegere era baakubwaku akalulu okusalagho abe abatwale.

Zefania 2:12

N'imwe Abaethiopia mwena, Musengwa Katonda aja kubasindikaku abazigu babaite.

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.