Isaia 20:2 - Baibuli Ekibono kya Katonda 2014

² Mu kiseera kyene ekyo Musengwa Katonda yaakoba Isaia mutabane wa Amozi ati: “Ja otoolemu ekutiya y'ovaire, otoolemu n'engaito mu bigere.” Isaia yaakola atyo, yaatambula ng'ali madu era ng'azira ngaito mu bigere.

Isaia 20:2 ပူးပေါင်းရင်းမြစ်များ

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

2 Bakyabazinga 1:8

Bairamu bati: “Abaire avaire ekivaalo ekyakolebwa mu buviiri, era nga yeesibye mu nkende olusibiro olw'oluwu.” Kyabazinga yaakoba ati: “Oyo ni Eliya Omutishubi.”

Zabbuli 30:11

Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Okuvaayo 3:5

Katonda oyo yaamukoba ati: “Otayongera kuseeta. Toolamu engaito dho, kuba gh'oyemereire kifo kitukuvu.”

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 37:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi, n'abakulira bakabona, baaja eri Isaia omulanzi mutabane wa Amozi nga bavaire kutiya olw'enaku.

Yeremia 48:37

Boonaboona bamweire enviiri ku mitwe gyaibwe, baasalaku n'ebirevu byaibwe. Era beesazesaze emisale ku mikono gyaibwe, baavaala n'ekutiya olw'enaku.

Ezekieli 24:17

Sindira mule kisiriikiriza, otalira oyo afiire. Otaleka kusiba kitambaala kyo ku mutwe, waire okuleka okuvaala engaito mu bigere olw'enaku. Era oteeghemba ku maiso, waire okulya emere abalizi ye balya ku lumbe.”

Ezekieli 24:23

Timulireka kusiba bitambaala byaimwe ku mitwe, waire okuleka okuvaala engaito mu bigere olw'enaku. Era timulirira maziga waire okuwowoola. Aye muligoogomba mwawaagho olw'ebibi byaimwe, buli muntu yaasindira mwine enaku.

Ezekieli 4:1

Agho Katonda yaakoba ati: “Iwe omuntu, funayo eitoofaali olite agho mu maiso go, olikubeku ekifaananie eky'ekibuga Yerusalemu.

Ezekieli 4:5

Nkusaliire enaku ebikumi bisatu na kyenda (390), odhimale agho ng'oli kukola ekibonerezo ekyo olw'ebibi eby'eighanga Isiraeli. Enaku edho dhitegeeza emyaka gye balimala nga bali kubonerezebwa.

Mika 1:11

Imwe abantu ab'e Shafira mwidha kutwalibwa mu bunhage nga muli madu era nga muswaire. Imwe ababa mu kibuga Zaanaani mutageza ni muva mu kibuga kyaimwe. Bwe munaawulira okulira okuva e Bethezeli munaamanha ng'eyo bw'ezira gha kwewogoma.

Mika 1:8

Agho Mika yaakoba ati: “Ebyo n'ebindiza amaziga naagegenga. Era ndidha kutambulanga madu nga tivaire na ngaito, okwoleka nga bwendi mu bughafu. Ndidha kukubanga oluwungu ng'oti kibe, era ndidha kujanga nga ndira ng'oti maaya.

Zekaria 13:4

Mu kiseera ekyo, buli mulanzi okubonekerwa kwe kulimugemya ensoni, yaatya n'okukola obulanzi, waire okuvaala ekivaalo eky'obuviiri okulimbira okwo abantu.

Matayo 16:24

Agho Yesu yaakoba Abeegeresebwa be ati: “Oba nga ghaligho ayenda okuunonereza, alobe kwefaaku naire, abbeede omusalaba gwe annonereze

Matayo 3:4

Yoanne ono, yali n'ekivaalo kye nga kya buviiri bwa ngamiya n'olukoba olw'oluwu mu nkende era emere ye yali nga nzige na mudheenene gwa mu nsiko.

Yoanne 21:7

Omwegeresebwa Yesu ye yagonzanga yaakoba Petero ati: “Ni Musengwa.” Petero olwawulira ati ni Musengwa yeesuulaku ekidhuuba, kuba yali madu, yaatuumira mu nhandha.

Ebikolwa by'Abatume 19:16

Agho omuntu eyaliku omuzimu omubi yaabatuumiraku yaabakalangula, yaabasinza amaani, baalumuka mu ndhu ng'abataireku ebibwa era nga n'ebivaalo byaibwe abikanwirekanwire.

Ebikolwa by'Abatume 21:11

Yaidha ye tuli, yaatoola olukoba lwa Paulo yaalwesiba amagulu n'amakono yaakoba ati: “Mwoyo Mutukuvu akoba ati, batyo Abayudaaya abali mu Yerusalemu bwe balisiba mwene lukoba luno ni bamughaayo y'abamaghanga agandi.”

Yoshua 5:15

Ole aduumira eigye lya Musengwa Katonda yaakoba Yoshua ati: “Toolamu engaito, kuba ghano gh'oli, oli mu kifo kitukuvu.” Yoshua yaatoolamu engaito.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

1 Samueli 19:24

Yeena yaatoolamu ebivaalo bye, yaalanga ng'ali mu maiso ga Samueli. Yaalambaala agho ng'ali madu obwire obwo bwonabwona. Okwo n'okwava endhogera ekoba eti: “Obwo Saulo yeena yafuuka mulanzi?”