Isaia 2:6 - Baibuli Ekibono kya Katonda 2014

⁶ Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Isaia 2:6 ပူးပေါင်းရင်းမြစ်များ

2 Bakyabazinga 1:2

Agho kyabazinga Ahazia owa Isiraeli, yaaghanuka ku lubalaza olwa ghaigulu ku ndhu ye, mu kisaagaati kye mu Samaria, yagwa ghansi yeerumiriza inho. Kale yaatuma abakwenda ng'abakoba ati: “Muje mwebuuze ku musambwa Baalizebubu ogw'e Ekuroni, mmanhe oba nga nnaawona.”

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 24:20

Agho omwoyo gwa Katonda gwaidha ku Zekaria mutabane wa Yehoiada kabona. Yaayemerera ghaigulu abantu ghe bamubonera obukalamu, yaakoba ati: “Musengwa Katonda akoba ati, lwaki mudheemera ebiragiro bye, ni mwereetera akabi? Nga imwe bwe mwava ku Musengwa Katonda oyo, yeena abalekuliire agho.”

Nehemia 13:23

Mu biseera ebyo, era naabona Abayudaaya abaabayiza abakazi abaava mu Ashidodi, ni mu Ammoni, ni mu Moabu.

Zabbuli 106:35

aye baafumbiraganwa nabo, era baayega empisa dhaibwe,

Okuvaayo 22:18

“Otaganhanga mukazi mulogo kubaagho nga mulamu.

Okuvaayo 34:16

Era mulisobola okufunira batabane baimwe ku baghala baibwe okubabayira. Kale baghala baibwe abo bwe balitoolera okusinza bakatonda baibwe, ni batabane baimwe balisobola okubeeyimbaku boona baasinza bakatonda abo.

Ensambo 6:1

Mwana wange, bwe weeyimiriranga omuntu, ni weeyama okumusasuliragho eibandha,

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 10:2

Musengwa Katonda oyo akoba ati: “Mutayeganga mpisa dha bamaghanga gandi. Mutatyanga olw'obumanhiso obubabonekera ku igulu waire nga abamaghanga agandi babutya.

Yeremia 12:7

Musengwa Katonda akoba ati: “Ndekuliire agho Abaisiraeli, eighanga eryo lye neerondera ndiviireku. Abantu abo be ngonza einho mbaghaireyo mu ngalo dh'abazigu baibwe.

Okulira 5:20

Lwaki otwerabiire obwaga agho? Lwaki otulekuliire agho?

Abalevi 19:31

“Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Abalevi 20:6

“Omuntu yeenayeena bw'anaajanga okwebuuza ku basamize n'abalogo, n'ataba mwesigwa eri nze, nnaamwefuuliranga, naalekera agho okumubalira mu bantu bange.

Mika 5:11

Ndizikiriza ebifo byaimwe eby'okwewogomamu n'ebibuga byonabyona.

Mika 5:12

Ndizikiriza bye mukozesa okuloga byonabyona, era naatoolagho n'abalaguzi boonaboona.

Zefania 1:8

Musengwa Katonda akoba ati: “Nja kubonereza abakungu ba kyabazinga, n'ab'endhu ye, n'abo boonaboona abaagema empisa edh'abamaghanga agandi.

Okubala 23:7

Agho Balaamu yaayogera ebibono eby'obulanzi bino, ati: “Balaki kyabazinga wa Moabu yandheta okuva mu Aramu, mu nsozi edh'omu buvandhuba: Yankoba ati, ‘Idha onkolimirire aba Yakobo idha ovumirire Abaisiraeli abo.’

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

1 Samueli 6:2

Agho Abafilisiti baayeta bakabona n'abalaguzi, baababuuza bati: “Esanduuku y'Endagaano ya Musengwa Katonda tugikolere ki? Mutukobere kye tunaagiizaayo nakyo, eireyo mu kifo kyayo?”