Isaia 2:19 - Baibuli Ekibono kya Katonda 2014

¹⁹ Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 2:19 ပူးပေါင်းရင်းမြစ်များ

2 Samueli 22:46

Emyoyo gyabawaamu ira, era baavaayo mu bufo bwaibwe obugumu obw'okwegisaamu nga badhugumira.

Yobu 9:6

Aleetera ensi okutengeeta mu kifo kyayo, era yaaleetera empango kw'etyaime okuyuuga.

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Isaia 13:13

Ku lunaku nze Musengwa Katonda Afuga Amagye lwe ndiragiraku obusungu obubitirivu, ndidhugumiza eigulu, n'ensi yaaseetuka okuva mu kifo kyayo.

Isaia 2:10

Muje mwingire mu mpuku edh'omu gabaale, mwegise ni mu biina mu itaka, mulumuke Musengwa Katonda atiisa, oyo ow'ekitiisa era ow'obuyinza.

Isaia 2:21

beene baingira mu mpuku edh'omu gabaale, ni mu ntanda edh'omu nsozi, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 24:18

Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Isaia 24:19

Ensi eryetema entanda, yaagabulukukamu, era yaatengeesebwa ebitaloodheka.

Isaia 30:32

Musengwa Katonda alibanga eno ng'alikubabonereza, ng'ere abantu be bali kusagambira na kwembera ku bugoma na ku ndingidi. Musengwa Katonda mwene n'alirwanisa abazigu abo Abassiria, ng'akozesa eby'okulwanisa ebitiisa.

Isaia 33:10

Musengwa Katonda akoba amaghanga ati: “Mpegaano ndidha kusituka, ndholeke obuyinza bwange n'amaani gange.

Isaia 7:19

Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 4:29

Abantu b'omu bibuga oluliwulira empindo dh'abavuzi b'embalaasi n'edh'abalasa obusaale, ng'olwo boonaboona balumukamu. Abandi balyekuba mu bibira, ate abandi baniina ghaigulu mu gabaalebaale. Ebibuga byonabyona birisigala bwagho bityo nga biziramu bantu naire.

Yeremia 48:28

“Imwe abantu b'e Moabu, muve mu bibuga byaimwe, muje mubenga mu mbaalebaale. Mube ng'oti mayemba agazimba mu ndhatika edhiba mu gabaale.

Ezekieli 33:27

“Era bakobe oti nze Musengwa Katonda ndi kubalabula nti nga bwendi omulamu, bwenebwene abantu abo abali mu bifo ebyayonoonebwa, baliitibwa mu lutalo. Abo abaliba eyo mu nsiko ndigha ensolo emirambo gyaibwe dhaagikankamira. Ate abo abaliba mu bifo eby'okwewogomamu n'abo abaliba mu mpuku, balifa endwaire ya kawumpuli.

Hosea 10:8

Ebifo ebigulumivu ebisinzibwamu ebiri mu Aveni, Abaisiraeli bye bajaamu ni bakola ebibi, birizikirizibwa. Amawa n'enkandwa birimera ku alutaari dhaibwe. Balikoba ensozi bati: “Mutugweku,” baakoba n'obusozi bati: “Mutusandikire!”

Mika 7:17

Balyeghaluliza mu nkungu ng'oti misota, nga bava mu bifo byaibwe eby'okwewogomamu, baira ye iwe Musengwa Katonda waife, nga badhugumira olw'okutya einho.

Nahumu 3:11

Nineve, weena oja kuba ng'oti n'omutamiivu ali kutagala. Olyagala agh'okulumukira owone abazigu, aye nga ghazira.

Haggai 2:6

“Esigaireyo akaseera katono ntengeese eigulu n'ensi, n'obukalu n'enhandha.

Haggai 2:7

Nja kutengeesa amaghanga goonagoona, eby'obukombe byago byonabyona bireetebwe ghano, olwo ndidhuze eisinzizo lino eby'obukombe.

Luka 23:30

Agho balitoolera okukoba ensozi bati, ‘Mutugweku’ n'okukoba obusozi bati, ‘mutusandikire!’

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

Abaheburayi 11:38

era nga n'ensi tibagibonamu muganhulo. Baatambulatambulanga eyo batyo mu malungu ni mu nsozi ng'oti n'abanoonia obubudamo, nga basula mu mpuku ni mu biina.

Abaheburayi 12:26

Ku olwo eiroboozi lye lyatengeesa ensi, aye ku luno yeesoomera ati: “Kabiri ndidha kwiramu okutengeesa, ti nsi yonka aye n'eigulu.”

Okwolekebwa 11:13

Mu kaseera ako keene, ghaabaagho musisi ow'amaani. Ekitundu kirala ku bitundu eikumi eby'ekibuga kyazikirira, n'abantu kasanvu (7,000) baafiira mu musisi oyo. Abantu abaawonagho baatya inho, era baasaaka ekitiisa kya Katonda ow'eigulu.

Okwolekebwa 11:19

Eisinzizo lya Katonda ery'omu igulu lyaigulwagho n'Esanduuku ey'Endagaano ye, yaaboneka mu isinzizo omwo. Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta, n'omugozi omungi.

Okwolekebwa 16:18

Agho ghaabaagho okumyansa okw'eigulu, n'okududumuka, n'okutyabuka okw'olukuba, n'ensi okutengeeta. Bino byali tibibangaghooku kasookanga abantu batondebwa ku nsi.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 9:6

Era mu nnaku edho abantu balyagala okufa aye baaloba kukubona, balyegomba okufa aye okufa kwabeesamba.

1 Samueli 13:6

Abaisiraeli bwe baabona nga bali mu kabi, era ng'eigye lyaibwe balinhigiriiza, beegisa mu mpuku, mu biina, mu mabaale, mu magombe, ni mu nsulo edh'amaadhi.

1 Samueli 14:11

Kale bombi beeyoleka eri enkambi ey'abalwani Abafilisiti. Abafilisiti baakoba bati: “Mubone, Abaheburayi bali kuvaayo mu biina mwe baali beegisiisa.”