Isaia 2:16 - Baibuli Ekibono kya Katonda 2014

¹⁶ Alisaaniagho amaato goonagoona ag'e Tarushishi, yaasaaniagho n'ebintu byonabyona ebyakolebwa ebisanhusa okubona.

Isaia 2:16 ပူးပေါင်းရင်းမြစ်များ

1 Bakyabazinga 10:22

Kyabazinga yali n'olugololiro olw'amaato agaajanga e Tarushishi ku nhandha enene nga gali ghalala n'olugololiro olw'amaato ga Hiramu. Buli lumaliira lwa myaka esatu, olugololiro olw'amaato olwo lwairanga okuva e Tarushishi nga luleese zaabu, ni feeza, n'amasanka, n'ensude, n'enkembo.

Zabbuli 47:7

kuba Katonda ni Kyabazinga w'ensi yoonayoona, kale mumusaake mu nhembo.

Isaia 2:17

Okwekuluntaza okuli mu bantu kulimalibwagho, n'okwegulumiza kwaibwe kwasaanizibwagho. Ku olwo Musengwa Katonda yenka n'aligulumizibwa.

Isaia 23:1

Buno n'obukwenda obugema ku Tiro. Muwowoole amaziga imwe ab'amaato g'e Tarushishi. Ekibuga kyaimwe Tiro bakizikiriiza, tighakaaligho ndhu oba kifo kya kwewogomamu. Amawulire ago gabatuuseeku nga gaviira mu nsi Kupuro.

Isaia 23:14

Muwowoole amaziga imwe ab'amaato g'e Tarushishi, kuba ebifo byaimwe eby'okwewogomamu babizikiriiza.

Isaia 60:9

Ago n'amaato agava mu nsi edh'eghala, nga gakulembeirwamu amaato ag'e Tarushishi, agali kuleeta abantu ba Musengwa Katonda okuva eyo eghala. Abantu abo baleese feeza waibwe ni zaabu waibwe, okugha ekitiisa Musengwa Katonda Omutukuvu wa Isiraeli, kuba ataire ekinhagansi mu bantu be.

Isaia 66:19

era naakola akamanhiso nga babona. Abo abaliwonagho ku abo, ndibatuma mu maghanga ni mu biketezo eby'oku nhandha eby'eghala ye batampulirangaku, waire okubona ku kitiisa kyange. Balija baalangirira ekitiisa kyange mu maghanga: e Tarushishi, e Puti, e Ludi eri abakugu mu kulasa obusaale, e Tubali, n'e Yavani.

Ezekieli 27:25

Eby'okusuubula byo baabitwaliranga mu maato amakologho ag'e Tarushishi. Kale waaba ng'oti n'emeeri eidhwire ebintu n'ezitogha, ng'eri ghagati mu nhandha.

Okubala 33:52

mwidha kubingangamu abatyamye baamu boonaboona be munaayagaanangamu, muzikirizenga ebifaananie byaibwe byonabyona ebibaadhe mu mabaale, n'ebyo ebyakolebwa mu kyuma ekisaanuusiibwa, era musaaniengagho ebifo byaibwe ebigulumivu eby'okusinzizaamu.

Okwolekebwa 18:11

Abasuubuzi b'ebintu ab'oku nsi balirira era baagegenga kuba ghaliba nga ghazira agula bintu byaibwe.

Okwolekebwa 8:9

Ekitonde ekiramu kirala kirala ku buli bitonde bisatu eby'omu nhandha kyafa, n'eryato irala irala ku buli maato asatu lyazikirizibwa.