Isaia 2:11 - Baibuli Ekibono kya Katonda 2014

¹¹ Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:11 ပူးပေါင်းရင်းမြစ်များ

2 Samueli 22:28

Olokola abo abagonvu aye olingirira abo abeetwala nga ba ghaigulu, waabaisa ghansi.

Zabbuli 18:27

Olokola abo abagonvu aye waisa ghansi abo abeetwala nga ba ghaigulu.

Zabbuli 18:28

Wo Musengwa Katonda, onkunaanikiiza eitaala waamingaku enzikiiza.

Zabbuli 20:8

Abo balitondoka baagwa ere, aye ife tulisituka twayemerera nga tuli bagumu.

Zabbuli 46:10

Era alagira ati: “Mulekere agho! Mumanhe nga ninze Katonda. Nsinzibwa amaghanga goonagoona, era nsinzibwa ebiri ku nsi byonabyona.”

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.

Ensambo 16:5

Musengwa Katonda yeenhinhata kiisi eyeekuluntaza, era ekikakafu kiri nti taliroba kumubonereza.

Ensambo 30:13

Ghaligho abeetwala okuba aba ghaigulu, era nga batwala abandi boonaboona okuba ghansi ghaibwe.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 12:4

Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 14:15

Aye mperaano bakwisiisa e magombe, ere ghansi ku ntobo yeene ey'olwina.

Isaia 2:17

Okwekuluntaza okuli mu bantu kulimalibwagho, n'okwegulumiza kwaibwe kwasaanizibwagho. Ku olwo Musengwa Katonda yenka n'aligulumizibwa.

Isaia 23:9

Musengwa Katonda Afuga Amagye n'eyaleetera ebyo okubaagho, asobole okumalagho okwekuluntaza kwaibwe, era aise ghansi abo abazira muntu wundi abasinga kuba na kitiibwa mu nsi.

Isaia 24:21

Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 26:1

Ku lunaku olwo abantu balyemba olwembo luno mu Buyudaaya, bati: Ekibuga kyaife kigumu begulugulu. Katonda mwene n'eyakizimbaku ebimante ebigumu, era mwene n'akikuuma.

Isaia 28:5

Olunaku lwidha kutuuka, Musengwa Katonda Afuga Amagye mwene abe ng'oti n'engule y'ebimuli ey'ekitiisa, eri abantu be abaliwonagho.

Isaia 29:18

Ku lunaku olwo, abaasemba amatu baliwulira ng'ekitabo kiri kusomwa, n'amaiso g'abatulu ababaire mu nzikiiza etiisa einho, galimoga gaabona.

Isaia 30:18

Aye ate Musengwa Katonda ali agho ateegereire ng'ayenda abagemerwe ekivunika. Yeetegeike okubasaasira, kuba by'akola byonabyona bituufu nga tiyeekubira. Ba nkabi abo boonaboona abamwesiga.

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Isaia 4:1

Olunaku olwo bwe lulituuka, abakazi musanvu balyegema omusaadha mulala baamwesibaku, nga bakoba bati: “Ife tuneeyagaliranga beene eky'okulya n'eky'okuvaala. Aye mala gaikiriza twetebwenga bakazi bo, otuwonie okuswalanga olw'obutafumbirwa.”

Isaia 40:23

Oyo n'aleetera abafuzi okugwa, baasigala agho batyo nga bazira bwe bali.

Isaia 52:6

Kale ni ekiseera kirituuka abantu bange baamanha nga ninze Katonda, era nga ninze ndhogeire.”

Yeremia 12:9

Abantu bange be neerondera bali ng'oti n'enhonhi erumbiibwa ensega ku ndhuyi dhoonadhoona. Ja oyete ensolo edh'omu nsiko dhoonadhoona dhiidhe dhirye.

Yeremia 9:24

“Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Ezekieli 38:14

Kale ni, iwe omuntu, langa okobere Gogi oti nze Musengwa Katonda ndi kumukoba nti: “Mu biseera abantu bange Abaisiraeli bye balibeera mu miraala, ng'olwo ositukiramu obalumba.

Ezekieli 38:19

Ndi kwogeza enkikidi endiku olw'abantu bange, n'obusungu obundiku obuli kutumbuka ng'oti muliro, era ndi kulangirira nti ku lunaku olwo ghalibaagho musisi ow'amaani mu nsi Isiraeli.

Ezekieli 39:11

Musengwa Katonda era akoba ati: “Ebyo byonabyona bwe birimala okubaagho, ndigha Gogi ekifo eky'okumuziikamu mu Isiraeli, nga bakyeta Ekiiko eky'Abatambuze. Kiriba ku luuyi olw'e buvandhuba olw'enhandha, era kirireetera ekifo ekyo obutabitangamu batambuze. Omwo mwe baliziika Gogi n'eigye lye lyonalyona, era kye baliva ni bakyeta Ekiiko eky'Eigye lya Gogi.

Ezekieli 39:22

Okuva ku olwo n'okweyongerayo, ab'eighanga Isiraeli balimanha nga ninze Musengwa Katonda waibwe.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Hosea 2:16

Agho mu biseera ebyo aliiramu okundheta iba yaalekera agho okundheta Baali,

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Hosea 2:21

Mu biseera ebyo nze Musengwa Katonda, ndiwulira okusaba kw'abantu bange Abaisiraeli, naalagira eigulu lyagwisa ku nsi amaadhi.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Obadia 1:8

Ku lunaku olwo nja kuzikiriza abantu abagezi boonaboona ab'omu Edomu, era mmalemu okutegeera kwonakwona.

Mika 2:3

Musengwa Katonda kyava n'akoba ati: “Bona eno, ndi kuyiiya akabi ke nnaatuusa ku bantu imwe, era ghazira ghe mughanga kukawonera. Mwidha kweyagaana mu buzibu obutoogerekeka n'amalala gabaweemu.

Mika 4:6

Musengwa Katonda akoba ati: “Ekiseera kiidha kutuuka, nsoloze ghalala abantu be nabonereza, ni mbaleka batwalibwa mu bunhage okudaagiradaagira eyo.

Mika 5:10

Musengwa Katonda akoba ati: “Mu kiseera ekyo ndizikiriza embalaasi dhaimwe n'ebigaali byaimwe eby'omu lutalo.

Zefania 3:11

Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Zefania 3:16

Mu kiseera ekyo, abantu baja kukoba ab'e Yerusalemu bati: “Sioni, otatya! Guma omwoyo!

Zekaria 9:16

Ku lunaku olwo, Musengwa Katonda wa Isiraeli aliwonia abantu be abo, ng'oti n'omwayi bw'awonia ebyayo bye obutatuukibwaku kabi. Balimesunkanira mu nsi ye ng'oti n'amabaale ag'omughendo bwe gamesunkanira ku ngule.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

2 Ab'e Korintho 10:17

Nga ebyaghandiikibwa bwe bikoba: “Oyo eyeesuuta, yeesuutenga ku lwa Musengwa.”

2 Ab'e Korintho 10:5

Tuzikiriza buli kutakana kwonakwona, n'ebitimuguunha ebyekudumbaza mu ngira okulobera Katonda okumanhibwa, era twakyusa buli ndowooza ey'ekidheemu yaagondera Kurisito.

2 Ab'e Thessalonika 1:10

Kino kiribaagho ku lunaku olwo lw'aliidha, abatuukirivu be ni bamugha ekitiisa, ni boonaboona abamwikiriza bamusaaka. Mwena muliba mu abo kuba mwaikiriza ebyo bye twabakobera.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”