Isaia 19:8 - Baibuli Ekibono kya Katonda 2014

⁸ Ab'amalobo n'obutimba abavuba ebyenhandha mu mwiga ogwo, balinakughala baalira amaziga.

Isaia 19:8 ပူးပေါင်းရင်းမြစ်များ

Okuvaayo 7:21

Ebyenhandha ebyali mu mwiga Kiyira byafa era omwiga ogwo gwaduuka ekiwunha ekinene ng'Abamisiri tibaghanga na kunhwa maadhi gaamu. Buli ghantu mu Misiri nga ghaidhwire bwa musaayi.

Ezekieli 47:10

Abavubi baliba ku mbali okw'omwiga ogwo, okuva mu kiketezo ekyetebwa Engedi okutuukira irala ku kyetebwa Enegulaimu. Balyanikanga okwo obutimba bwaibwe bwakala. Era ebyenhandha biriba eyo bya bika kamaala ng'oti n'ebiri mu Nhandha Eyaghagati.

Habakkuku 1:15

Abababilonia abo bagema abantu ng'oti n'ole bw'agemya ebyenhandha ku irobo baabaghaluza ng'oti n'ole bw'aghaluza ebyenhandha mu katimba akatono oba mu katimba akanene ka kokota. Era bwe bamala beeseka baasagamba olw'obungi bw'abo be bagemiisa.

Habakkuku 1:17

Aye mbo baja kutuusa li okuzikiriza amaghanga aghazira na kusaasira, byanda na byanda?

Okubala 11:5

Twidhukira ebyenhandha bye twalyanga mu Misiri ku bwereere! Twalyanga amaliibwa aga buli nsambo n'obutungulu obwa buli nsambo.

Matayo 11:17

nga babakoba bati, ‘Twabafuuyira endere timwakina, twakuba empungu, aye timwagegenga!’