Isaia 19:4 - Baibuli Ekibono kya Katonda 2014

⁴ Ndighaayo Abamisiri abo, naabataaku omufuzi omukakali kaabuluuku; kyabazinga omukambwe yaabafuga. Nze Musengwa Katonda Afuga Amagye ntyo bwe nkobye.”

Isaia 19:4 ပူးပေါင်းရင်းမြစ်များ

Zabbuli 31:8

Toganhie bazigu bange kuntuukaku, era ompaire eidembe neetaaya.

Isaia 19:2

Musengwa Katonda akoba ati: “Ndisiikuula Abamisiri baalwanagana beene na beene, aboluganda baalwanagana beene na beene, ab'omuliiraano baalwanagana beene na beene, ebibuga byalwanagana buli kirala ni kiinaakyo, ni bakyabazinga baalwanagana buli mulala ni mwine.

Isaia 20:3

Musengwa Katonda yaakoba ati: “Omugheereza wange Isaia amaze emyaka esatu ng'atambula madu, okwoleka ebirituuka ku b'e Misiri n'ab'e Ethiopia.

Isaia 20:4

Kale ni kyabazinga w'e Assiria yeena atyo bw'alitwala abanhage ab'e Misiri n'ab'e Ethiopia, abakulu n'abato, nga bali madu era nga bazira na ngaito mu bigere. Balija batyo nga n'obunhuma bwaibwe ti bughembe bwaku, ekyo kireetere Misiri okuswala.

Yeremia 46:26

mbagheeyo y'abo abenda okubaita, mbate mu ngalo dha kyabazinga Nebukadinezzari ow'e Babilonia n'eigye lye. Aye nga ghabiseeghooku entangama, abantu baliirayo baaba mu Misiri nga bwe baalinga eira. Nze Musengwa Katonda, ninze nkobye.”

Ezekieli 29:19

Agho ni, nze Musengwa Katonda kyenva ndi kukoba nti: Nditoola ensi Misiri naagigha kyabazinga Nebukadinezzari owa Babilonia, yaanhagulula obukombe bwayo yaabutwala ng'omunhago oguliba empeera ey'abaisirukale be.

Ezekieli 30:12

Ndikaliiza omwiga Kiyira, naaghaayo ensi Misiri efugibwe abantu ababi. Ndireetera ensi eyo okuzikirira n'ebintu byonabyona ebigirimu, nga nkozesa abagwira. Nze Musengwa Katonda, ninze ndhogeire.”

Nahumu 3:10

Aye waire kyali kityo, abantu b'omu kibuga ekyo Thebesi baabatwala mu bunhage. Abaana baamu abato baabakuba ghansi mu buli maagaanana gaakyo baabasekembula okutuusa okufa. Abantu baamu ab'ekitiisa baasibwa ku ndhegere era baakubwaku akalulu okusalagho abe abatwale.

1 Samueli 23:7

Agho baakobera Saulo bati: “Daudi aidhie mu kibuga Keila.” Saulo yaakoba mule ati: “Katonda amungabwire, kuba yeigaliiza mwene bw'aingiire mu kibuga ekiriku endhigi edhiriku ebisiba.”