Isaia 19:3 - Baibuli Ekibono kya Katonda 2014

³ Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Isaia 19:3 ပူးပေါင်းရင်းမြစ်များ

2 Samueli 15:31

Agho ghaabaagho abaakobera Daudi bati: “Ahithofeli ali mu abo abakudheemeire abali ni Abusalomu.” Daudi bwe baamukobera, yaasaba ati: “Wo Musengwa Katonda, nkweghembye fafaagania amagezi Ahithofeli g'anaagha Abusalomu, gafuukemu busiru.”

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

2 Bakyabazinga 1:2

Agho kyabazinga Ahazia owa Isiraeli, yaaghanuka ku lubalaza olwa ghaigulu ku ndhu ye, mu kisaagaati kye mu Samaria, yagwa ghansi yeerumiriza inho. Kale yaatuma abakwenda ng'abakoba ati: “Muje mwebuuze ku musambwa Baalizebubu ogw'e Ekuroni, mmanhe oba nga nnaawona.”

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

Zabbuli 107:27

Amaato gaabayuuzayuuza, baagaaliita ng'oti batamiivu. Waire nga baali bagavugiire entangama, ku olwo baaba ng'oti beega.

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Zabbuli 76:12

Abafuzi abamalamu emyoyo, era bakyabazinga abali ku nsi abatiikiza irala baatenha.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 14:27

Musengwa Katonda Afuga Amagye ekyo ky'ategeike, era ghazira asobola kukirobera. Buti amaze okugalula omukono gwe okubonereza, era ghazira asobola kugwizaayo.

Isaia 15:2

Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Isaia 47:12

Kale iwe weekalangulire ku irogo lyo ni ku kulagula kwo, by'obaire okozesanga okuva mu buto bwo. Oba katyo wandibifunamu omuganhulo, byakuyamba okutiisa abazigu bo.

Isaia 57:16

Ninze nafuuwa omuuka ogw'obulamu mu bantu bange, era tiribasungughaliranga bujiiririire waire okubavunaananga emisango buliidho kuba ekyo kisobola okubaleetera okufa, ate nga ninze mwene eyabagha obulamu.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 46:15

Lwaki Apisi katonda waimwe ow'amaani yagwa? Lwa kuba Musengwa Katonda yamukuba yaamugwisa ghansi.’

Ezekieli 21:7

Bwebakubuuza bati, ‘Lwaki oli kusinda?’ Ng'obairamu oti, ‘Ndi kusinda olw'amawulire ge mpuliire, ag'ebyo ebiri kwidha. Bwe birituuka, boonaboona emyoyo giribatekemuka, emikono gyabalebera, ebikiryaivu byabadhugumira, era baazirika. Bona eno, ebyo bija kubaagho bituukirire.’ ” Musengwa Katonda atyo bw'akoba.

Ezekieli 22:14

Olowooza oti mu biseera bye ndikukangaivuliramu, oliba okaalimu amaani era ng'okaasobola waire okugalula omukono gwo? Nze Musengwa Katonda ninze mwene nkobye, era ekyo ndikikola.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

1 Samueli 25:37

Nabali, omwenge bwe gwamuwa ku mutwe enkyo, mukazi we Abigaili yaamukobera byonabyona. Nabali bwe yabiwulira, omwoyo gwamugwa mu bigere, era yaasigala agho ng'ali ng'oti ibaale.