Isaia 19:2 - Baibuli Ekibono kya Katonda 2014

² Musengwa Katonda akoba ati: “Ndisiikuula Abamisiri baalwanagana beene na beene, aboluganda baalwanagana beene na beene, ab'omuliiraano baalwanagana beene na beene, ebibuga byalwanagana buli kirala ni kiinaakyo, ni bakyabazinga baalwanagana buli mulala ni mwine.

Isaia 19:2 ပူးပေါင်းရင်းမြစ်များ

1 Bakyabazinga 16:21

Agho Abaisiraeli beesalamu ebitundu bibiri: abandi nga benda Tibuni mutabane wa Ginathi ye babe bafuule kyabazinga, ate abandi nga benda Omuri.

2 Ebyomubyanda 15:6

Tighaaligho kwegaita: ng'ekiketezo kino kirwanisa kire, ate ekibuga kire kyalwanisa ekindi, kuba Katonda yabatuusa ku kudaazibwadaazibwa yaabaleetera okweraliikirira okutakobeka.

Isaia 3:5

Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 46:12

Amaghanga kamaala gaawulira bwemwaswala, buli muntu yaabawulira nga mulira amaziga. Abalwani baabandagana beene na beene, boonaboona baagwa ghansi.

Yeremia 51:46

Mutawaamu myoyo oba okutya, olw'amawulire ge muwulira mu nsi. Buli mwaka amawulire ag'endhawulo gasansaanizibwa: ka tukobe, ng'ago agoogera ku bikolwa eby'obukambwe mu nsi eno, n'aga kyabazinga ono okulwana ni kyabazinga owundi.

Ezekieli 38:21

Ndireetera Gogi oyo ebitiisa ebya buli nsambo, n'abalwani be baitagana beene na beene. Nze Musengwa Katonda ninze nkobye.

Zekaria 8:10

Ebiseera ebyo bwe byali nga bikaali kutuuka, tighaalingagho muntu asobola kusasulira mupakasi oba ensolo okumukolera omulimo. Era nga ghaziragho muntu atali mu bweraliikirivu bwa bazigu kumulumba, kuba naleetera abantu okukyaghagana.

Matayo 10:21

“Omuntu alighaayo muganda we okwitibwa ate omuzaire yaaghaayo omwana we, n'abaana balidheemera abazaire era baabaita.

Matayo 10:36

Era abazigu b'omuntu banaabanga ba mu ndhu beene.

Matayo 12:25

Yesu bwe yamanha bye balowooza yaabakoba ati: “Obwakyabazinga bwonabwona omuzira kwisania buzikirira era n'ekibuga oba amaka omuzira kwisania, tibisobola kubaagho.

Matayo 24:7

Eighanga lirirumba liinaalyo, n'obwakyabazinga bwalumba bwinaabwo. Ghalibaagho endhala ni musisi mu biketezo kamaala.

Mariko 3:24

Era obwakyabazinga obweyawulamu tibusobola kubaagho.

Abalamuzi 7:22

Abasaadha ba Gideoni bwe baafuuwa endeka dhaibwe ebikumi ebisatu, Musengwa Katonda yaaleetera ab'eigye ery'omuzigu buli muntu okulumba mwine, buli muntu ng'alwanisa mwine n'empiima. Baalumuka okutuuka e Bethi Shitta okwolekera Zerera, okutuuka ku nsalosalo ni Abeli Mehola, okumpi n'e Tabbathi.

Abalamuzi 9:23

Agho Katonda yaakyaghagania Abimeleki n'abantu b'omu Shekemu. Abantu ab'omu Shekemu baaghemukira Abimeleki nga tibakaali beesigwa y'ali.

1 Samueli 14:16

Abakuumi ba Saulo abaali mu Gibea ekya Benjamini, baaja okulinga bati, nga babona eikuukuubira ly'Abafilisiti nga liyoolookera eno n'ere.

1 Samueli 14:20

Agho Saulo n'abantu boonaboona be yali nabo beesoloza, baaja mu lutalo. Baaja okubona ng'Abafilisiti bali kufumitagana beene na beene mu kutabuka okw'amaani.