Isaia 19:19 - Baibuli Ekibono kya Katonda 2014

¹⁹ Olunaku olwo bwe lulituuka, mu nsi Misiri balizimbamu alutaari yaaba ya Musengwa Katonda, ni ku nsalosalo y'ensi eyo balimuzimbirayo empango ey'amabaale.

Isaia 19:19 ပူးပေါင်းရင်းမြစ်များ

Amainhama 12:7

Agho Musengwa Katonda yaabonekera Aburamu, yaamukoba ati: “Baidhukulu bo ndibagha ensi eno.” Kale Aburamu yaazimbira agho Musengwa Katonda eyamubonekera, alutaari.

Amainhama 28:18

Yakobo yaasituka ku nkyo, yaatoola eibaale lye yeezizika y'omutwe, yaalisimbagho yaalifukaku omuzigo libe ekiidhukizo.

Zabbuli 68:31

Abakwenda abakologho balireetebwa okuva e Misiri; ate ab'e Ethiopia baagololera Katonda emikono gyaibwe.

Okuvaayo 24:4

Musa yaaghandiika ebibono bya Musengwa Katonda ebyo byonabyona. Era yaazuuka ku nkyo yaazimba alutaari ghansi agh'olusozi. Yaazimba n'empango edh'amabaale ikumi na ibiri ng'ebika eby'Abaisiraeli bwe biri.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Isaia 60:7

Abantu balikuleetera entaama dhoonadhoona edh'e Kedari n'edh'e Nebaiothi, baadhighaayo ng'omusengo. Balidhireetanga ku alutaari, Musengwa Katonda yaadhisiima. Era Musengwa Katonda oyo alyongeranga okufuula eisinzizo lye okuba ery'ekitiisa.

Isaia 66:23

Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Yeremia 46:2

ng'atoolera ni Misiri. Bino bye yayogera ku igye lya kyabazinga Neko ow'e Misiri, Nebukadinezzari kyabazinga w'e Babilonia lye yaghangulira e Karikemishi okumpi n'omwiga Eufurate, mu mwaka ogwokuna nga Yehoiakimu ni kyabazinga wa Buyudaaya:

Ezekieli 29:1

Ku lunaku olweikumi n'eibiri mu mwezi ogweikumi, mu mwaka ogweikumi nga tuli mu bunhage, Musengwa Katonda yaayogera ninze, yankoba ati:

Ezekieli 30:1

Musengwa Katonda yaayogera ninze, yankoba ati:

Ezekieli 31:1

Ku lunaku olusooka mu mwezi ogwokusatu, mu mwaka ogweikumi n'omulala (11) nga tuli mu bunhage, Musengwa Katonda yankoba ati:

Ezekieli 32:1

Ku lunaku olusooka mu mwezi ogweikumi n'ebiri, mu mwaka ogweikumi n'ebiri (12) nga tuli mu bunhage, Musengwa Katonda yayogera ninze, yankoba ati:

Zekaria 6:15

Abantu ab'eghala baliidha baayamba mu kuzimba obuyaaka eisinzizo lya Musengwa Katonda, olwo mwamanha nga Musengwa Katonda Afuga Amagye n'eyantuma ye muli. Ebyo birituukirira, bwe muligondera n'omwoyo omulala ebyo Musengwa Katonda waimwe by'alagira.

Abaheburayi 13:10

Tuli ni alutaari abo abagheereza mu nhumba ya Katonda kwe bataikirizibwa kulya.

Yoshua 22:10

Ab'ekika eky'Abareubeni, n'eky'Abagadi, n'eky'Abamanasse ab'e buvandhuba bwe baatuuka e Gelilothi, nga bakaali e bugwandhuba wa Yorudani, baazimba alutaari enkologho agho kumpi n'omwiga Yorudani.

Yoshua 22:26

Tuzimba alutaari ti lwa kwokerangaku misengo oba okugheerangaku ebigheebwayo,

Yoshua 22:27

aye ebe ng'akamanhiso okwoleka abantu baife n'abantu baimwe, n'okwoleka ense edhiritwiririra, nga bwenebwene bwe tusinza Musengwa Katonda era nga bwe tuja mu maiso ga Weema ye entukuvu okumugheereza ebigheebwayo ebyokebwa, n'emisengo, era n'okughaayo ebigheebwayo olw'okutabagana. Ekyo kyaligho olw'okulobera baidhukulu baimwe okukoba abaife bati ebya Musengwa Katonda ghazira ghe bibagemeraku.

Yoshua 22:28

Ekyo n'ekyali ekidhuubo kyaife, tuti bweghabaagho atukoba ebibono ng'oti n'ebyo, oba abikoba baidhukulu baife mu biseera ebiidha, olwo tuliba nga tusobola okukoba tuti, ‘Bona! Badhaadha baife baazimba ekifaanana ng'oti alutaari ya Musengwa Katonda, aye nga ti kya kwokerangaku bigheebwayo oba kugheerangaku misengo, aye nga kamanhiso bumanhiso eri ife n'abantu baife, n'eri imwe n'abantu baimwe.’

Yoshua 22:34

Abareubeni n'Abagadi baatuuma alutaari eriina “Budhulizi” nga bakoba bati alutaari eyo n'obudhulizi ye bali boonaboona, nga baikiriza nga Musengwa Katonda ni Katonda.