Isaia 19:13 - Baibuli Ekibono kya Katonda 2014

¹³ Abakulembeze ab'e Zoani baafuuka basiru, n'ab'e Menfisi baabuzibwabuzibwa. Mu kifo ky'okukulembera ensi Misiri, bagireeteire kudaaliima budaaliime.

Isaia 19:13 ပူးပေါင်းရင်းမြစ်များ

Isaia 19:11

Abakulembeze b'e Zoani baweereereimu irala amagezi; abawi ba kyabazinga ab'amagezi abo, amagezi ge bamugha ga kisiru, kuba bakana batya bwenebwene ni bamukoba bati mbu beene n'abaana abaasikira abawi b'amagezi ab'eira, era mbu n'abaana abaasikira ni bakyabazinga ab'eira?

Yeremia 2:16

Abazigu baava e Menfisi n'e Tahapanhesi, baabakuba emitwe baagyawula.

Yeremia 44:1

Agho Musengwa Katonda yaayogera ninze ku bigema ku Baisiraeli boonaboona abaali nga baba mu nsi Misiri, mu bibuga Migidoli, Tahapanhesi, ni Menfisi, ni mu biketezo ebiri ku luuyi olw'omukono omusaadha olw'e buvandhuba bwa Misiri.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Yeremia 46:19

Imwe abantu b'e Misiri, mwetegeke okutwalibwa mu bunhage. Abazigu balizikiriza Menfisi kyafuuka bifulukwa, ghaabulagho omuntu akibaamu.

Ezekieli 30:13

Musengwa Katonda akoba ati: “Ndizikiriza ebisinzibwa ebitali Katonda, naalekeza okusinza ebifaananie okuli mu Menfisi. Teribaayo mufuzi kabiri mu Misiri, era ensi eyo ndigireetamu entiisa.

Ezekieli 30:14

Ekiketezo eky'e Pathirosi ndikifuula bifulukwa byereere, naayokya ekibuga Zoani omuliro, era naasalira ekibuga Thebesi omusango naakibonereza.

Ezekieli 30:16

Ndikunaania omuliro ku Misiri, ab'e Pelusiumu baawulira obulumi obutaloodheka, n'ebimante eby'oku kibuga Thebesi byawomolwawomolwa ebituli.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Zekaria 10:4

Mu abo n'omuliva abafuzi, n'abakulembeze, n'abaduumizi mu magye, abalifuga abantu bange.

Okubala 24:17

Bwe ningirira ye bwidha eyo, mbona Abaisiraeli abo, aye ti nga bwe bali mperaano. Kyabazinga alisituka mu Yakobo ng'oti n'emuunienie bw'evaayo, ng'ogwo n'omwigo ogw'obwakyabazinga oguja okusimuka mu Baisiraeli abo. Alisasambula abakulembeze b'e Moabu, era yaasaaniagho abaana ba Shethi boonaboona.

Ab'e Roma 1:22

Bwe beeyeta abagezi baafuuka basiru.

1 Petero 2:7

Kyava n'aba ow'omughendo einho ye imwe abamwikiriza, aye y'abo abatamwikiriza, ebyaghandiikibwa bikoba biti: “Eibaale abazimbi lye baasuula bati lizira mugaso, n'eryafuuka empango ey'omusingi mu nsonda.”

1 Samueli 14:38

Saulo yaakoba ati: “Imwe abakulembeze b'abantu mwenamwena museete, mumanhe era mubone ekibi nga bwe kikoleibwa olwaleero.