Isaia 19:11 - Baibuli Ekibono kya Katonda 2014

¹¹ Abakulembeze b'e Zoani baweereereimu irala amagezi; abawi ba kyabazinga ab'amagezi abo, amagezi ge bamugha ga kisiru, kuba bakana batya bwenebwene ni bamukoba bati mbu beene n'abaana abaasikira abawi b'amagezi ab'eira, era mbu n'abaana abaasikira ni bakyabazinga ab'eira?

Isaia 19:11 ပူးပေါင်းရင်းမြစ်များ

1 Bakyabazinga 4:30

Amagezi ga Solomoni nga gasinga amagezi ag'abantu b'e buvandhuba n'ag'abagezi ab'e Misiri goonagoona.

1 Bakyabazinga 5:10

Kale Hiramu yaagha Solomoni emiti gyonagyona, emivule n'emisipuressi gye yayenda.

Yobu 12:17

Abafuzi b'ensi abamalamu amagezi, abalamuzi yaabafuula abasirusiru.

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Zabbuli 73:22

Nali musiru era nga nzira kye ndidhi, nga y'oli neebisa ng'oti ndi nsolo busolo.

Zabbuli 78:12

Katonda yakola ebyewuunhio nga badhaadha baibwe babona bati bye yakolera eyo mu biketezo eby'e Zoani mu nsi Misiri.

Zabbuli 78:43

ng'akola eby'amaani era n'ebyewuunhio, eyo mu biketezo eby'e Zoani mu nsi Misiri.

Zabbuli 92:6

Omudoofu tasobola kumanha kino, n'omusiru taghanga kukitegeera,

Okuvaayo 8:14

Baabibunga byavaamu emungo kamaala, ekiwunha kyaidhula Misiri.

Okuvaayo 8:4

Ebikere bija kukutuumiraku iwe, bituumire ku bantu bo era ni ku bakungu bo boonaboona.’ ”

Ensambo 30:2

“Bwenebwene ndi ng'oti nsolo busolo, nziramu kutegeera kwa buntu.

Isaia 19:13

Abakulembeze ab'e Zoani baafuuka basiru, n'ab'e Menfisi baabuzibwabuzibwa. Mu kifo ky'okukulembera ensi Misiri, bagireeteire kudaaliima budaaliime.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 30:4

Waire abakwenda ba Buyudaaya baamala ira okutuuka mu bibuga Zoani ni Hanesi,

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Yeremia 10:14

Olwo abantu boonaboona baaba nga basirughaire era nga tibakaalimu kategeera. Buli mugheesi wa bintu bya zaabu yaaswala olw'ebifaananie ebisinzibwa by'agheesa; kuba bya buguya bwereere, era biziramu bulamu naire.

Yeremia 10:21

Nze naabakoba nti: “Abakulembeze baife basiru, tibeebuuzaaku ku Musengwa Katonda. Kyova ebintu ni bitabajiira bukalamu, n'abantu be batwala ni basansaana obusansaane.

Yeremia 46:17

Mutuume kyabazinga wa Misiri eriina eiyaaka muti ni, ‘Kyasiikano, ayasiikana obwasiikane. Eyaleka omukisa gwe ni guja obuje gutyo.’

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Yeremia 8:9

Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?

Ezekieli 28:17

Weekudumbaza olw'obulungi obw'emboneka yo. Ebitiibwa bye wali nabyo byakuleetera okwebisa ng'omusiru. Kyenava ni nkusuula ghansi ku itaka, naakuleka agho, bakyabazinga abandi baakwerolera beene n'amaiso gaibwe.

Ezekieli 30:14

Ekiketezo eky'e Pathirosi ndikifuula bifulukwa byereere, naayokya ekibuga Zoani omuliro, era naasalira ekibuga Thebesi omusango naakibonereza.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

Obadia 1:7

Abairuukirize bo boonaboona baidha kukulyamu olukwe, bakusindiikirize bakubinge mu nsi yo. Abantu abakuziraku mpalana baidha kukwefuukira era bakughangule. Abo be weesiganga einho baidha kukutega olutuula ogwe, era bamale bakugeye bati: ‘Yeeyetanga mugezi inho, memale amagezi ge gajiire gha?’

Obadia 1:8

Ku lunaku olwo nja kuzikiriza abantu abagezi boonaboona ab'omu Edomu, era mmalemu okutegeera kwonakwona.

Okubala 13:22

Baaniinaniina baingira mu kiketezo ekikalukalu eky'oku luuyi olw'omukono omusaadha olw'e buvandhuba, baaja baatuuka e Heburoni. Eyo n'eyali ab'ekika kya Ahimani n'ab'ekika kya Sheshai n'ab'ekika kya Talumai, baidhukulu ba Anaki. Heburoni ekyo, n'ekyasooka okuzimbibwa ghaabitagho emyaka musanvu, memale Zoani kyazimbibwa mu Misiri.

Ebikolwa by'Abatume 7:22

Musa yaayegeresebwa amagezi ag'Abamisiri, yaaba wa maani mu bibono ni mu bikolwa.