Isaia 19:1 - Baibuli Ekibono kya Katonda 2014

¹ Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 19:1 ပူးပေါင်းရင်းမြစ်များ

Zabbuli 104:3

Oba eyo ghaigulu ku maadhi, waavuga ebire ng'oti n'ekigaali kyo eky'omu lutalo, waajiira ku maghagha ag'empewo.

Zabbuli 104:34

Nsaba Musengwa Katonda asiime olwembo lwange, kuba okusagamba kwange kuva y'ali.

Zabbuli 18:9

Yaigulagho eigulu yaika ku nsi, nga ghansi gh'ebigere bye ghaligho ekire ekiirugavu bezigizigi.

Zabbuli 68:4

Mwembere Katonda, mwembe enhembo edhisaaka eriina lye. Mumutegekere engira oyo aseeyeeya ku bire, eriina lye ni Musengwa Katonda, musagambire mu maiso ge.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 13:7

Emikono egya buli muntu girinafugha, abantu boonaboona emyoyo gyabatekemuka.

Isaia 19:16

Olunaku olwo bwe lulituuka, Abamisiri baliba bati inho ng'oti bakazi. Balitya era baadhugumira, bwe balibona nga Musengwa Katonda Afuga Amagye agalwire omukono okubabonereza.

Isaia 21:9

Okuja okutemya n'okuzibula ng'embalaasi edhiri eibiri eibiri dhiri kwidha, nga buli ndala eriku ali kugivuga. Omukuumi yaayongeraku yaakoba ati: “Babiloni kigwire, Babiloni kigwire. N'ebifaananie bya bakatonda baakyo byona bigwire agho ghansi byamenhekamenheka.”

Yeremia 25:19

Abandi abaali n'okunhwa ku kikopo ekyo ni bano: kyabazinga wa Misiri, n'abagheereza be, n'abakungu be, n'abantu be boonaboona

Yeremia 4:13

Bona, abazigu baabale bali kwidha ng'oti bire. Ebigaali byaibwe eby'omu lutalo birumuka ng'oti mpewo eyeezungulula n'amaani bw'eidha; n'embalaasi dhaibwe dhiziinhuuka okusingaku n'enkookooma. Tukagwireku ife era tuzikiriire!

Yeremia 44:8

Lwaki munsungughaza n'ebyo bye mukola, nga muniokeza obubbaani bakatonda ab'omu nsi Misiri ye mwaja okuba? Lwaki muli kukola ebyo okwereetera imwe beene okuzikirira, n'okuleetera abamaghanga agandi okuboogerangaku imwe nga babayeeyereza era nga bwebabakolimira?

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Yeremia 51:44

Ndibonereza Beli katonda wa Babiloni, naamuleetera n'okwiza bye yaiba, n'amaghanga galekera agho okumusinzanga. “Ekimante eky'oku kibuga Babiloni kigwire ku itaka.

Ezekieli 30:13

Musengwa Katonda akoba ati: “Ndizikiriza ebisinzibwa ebitali Katonda, naalekeza okusinza ebifaananie okuli mu Menfisi. Teribaayo mufuzi kabiri mu Misiri, era ensi eyo ndigireetamu entiisa.

Yoeli 3:19

Ensi Misiri erifuuka irungu, n'ensi Edomu yaafuuka bifulukwa byereere; kuba abantu b'omu nsi edho baalumba Buyudaaya, baita abantu abaziraku musango.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Nahumu 1:3

Musengwa Katonda alwagho okusungughala, era ali n'obuyinza obutaloodheka. Musengwa Katonda taleka muntu aliku musango nga tamubonereiza. Musengwa Katonda gh'atambulira ghabaagho kiwunga n'empewo eyeezungulula n'amaani. Era ebire, n'ebiba enkungu ebigere bye ye bisiikuula ng'ali kutambula.

Zekaria 10:11

Bwe baliba nga bali kubita mu nhandha ey'e Misiri, nze Musengwa Katonda ndikuba okwefuukuula okw'enhandha eyo, n'entobo ey'omwiga Kiyira yaakala. Okwekuluntaza kw'Abasiria kuliisibwa ghansi, n'obuyinza bw'Abamisiri bwawaagho.

Zekaria 14:18

Abamisiri bwe baliroba okuja okukola Ekibinuko eky'Entindi ekyo, Musengwa Katonda alibasindikira endwaire embi y'alisindikira amaghanga agandi agaloba okuja okukikuza.

Okubala 33:4

Baalekanga ng'Abamisiri bali kuziika abaana baibwe ababeri, Musengwa Katonda be yaita n'ayoleka nga bw'ali n'obuyinza okusinga emisambwa gyaibwe.

Amateeka Agokubiri 33:26

Imwe Abaisiraeli, ezira katonda ali ng'oti ni Katonda waife, aseeyeeya ku igulu mu bire ng'ali mu kitiisa eky'obwakyabazinga, n'aidha okubabeera.

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.

Yoshua 2:24

Era baakakasa Yoshua bati: “Bwenebwene Musengwa Katonda yatugha ensi ere yoonayoona. Abantu baayo boonaboona emyoyo gyabeeghanika ira bwe baawulira nga tuli kubajiira.”

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.