Isaia 18:3 - Baibuli Ekibono kya Katonda 2014

³ Mubakobe muti, ‘Imwe abantu mwenamwena abali mu nsi, mwekalirisenga mubone nga bendera esimbiibwa ku lusozi, era mutegenga kutu muwulire ng'eigwala lifuuye.’

Isaia 18:3 ပူးပေါင်းရင်းမြစ်များ

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 13:2

“Mughanike bendera ey'olutalo ku lusozi oluziraku isubi naire. Mukaabuke mwete abaisirukale, mubaghemye n'emikono baje ku miryango gy'ekibuga ekirimu abakungu, bakirumbe bakingire.

Isaia 13:4

Muwulire akasasamalo akali ku lusozi ng'oti n'amamiro ag'olukunkumuli lw'abantu. Muwulire okwasiikana okw'obwakyabazinga, okwasiikana okw'amaghanga agali kwesoloza. Musengwa Katonda Afuga Amagye ali kusoloza eigye okulwana olutalo.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 31:9

Kyabazinga waibwe alitya inho yaalumuka. N'abakungu baibwe baalumuka, era nga bali mu kabuguutano ako, baalekulira agho bendera dhaibwe edh'omu lutalo.” Musengwa Katonda oyo abantu ye basinziza mu Sioni, era ye bookera emisengo mu Yerusalemu, atyo bw'akobye.

Isaia 49:22

Musengwa Katonda akoba ati: “Ndikolera ab'amaghanga akamanhiso, naabalagira baaleeta batabane baimwe nga bababbeedeire mu bifuba byaibwe, era baaleeta ni baghala baimwe nga bababeese ku migongo gyaibwe.

Isaia 5:26

Musengwa Katonda alikola akamanhiso okweta abamaghanga agali eghala. Alibafuuyira endeka baava ensi y'ekoma, baidha amangu geene ago nga balumuka embiro.

Isaia 7:18

“Olunaku olwo bwe lulituuka, Musengwa Katonda alifuuwa endeka okweta Abamisiri baidhe ng'oti nsowera, nga baviira ku mwiga gw'e Misiri. Era alyeta n'Abassiria baidhe ng'oti ndhuki, nga baviira mu nsi yaibwe.

Yeremia 22:29

Iwe nsi, iwe ensi, ensi yaife, wulira Musengwa Katonda bw'akoba, ati:

Yeremia 51:27

“Mughanike ebendera mu nsi, era mufuuwe amagwala ng'akamanhiso ak'okuja okulumba, olwo mutegeke amaghanga okulwanisa Babilonia. Mukobe obwakyabazinga bw'e Ararati, n'obwa Minni, n'obwa Ashekenazi, bwidhe bugirumbe. Mulonde anaaduumira okulumba okwo. Musoloze embalaasi dhibe kamaala ng'oti bikuukuulu bya nzige.

Mika 1:2

Abantu mwenamwena ab'amaghanga muwulirise; imwe mwenamwena ababa ku nsi mutege kutu. Muwulire! Musengwa Katonda aja kwogerera mu isinzizo lye ery'omu igulu. Aja kubaghaaku obudhulizi obunaabalumiriza.

Mika 6:2

Imwe ensozi n'imwe emisingi egy'ensi egy'olubeerera, muwulirise omusango gwa Musengwa Katonda. Musengwa Katonda ali n'omusango gw'aghaghabira abantu be. Aja kulumiriza Abaisiraeli.

Mika 6:9

Kya magezi inho okutya Musengwa Katonda. Musengwa Katonda ayeta abanakibuga yaabakoba ati: “Imwe abeesololeza mu kibuga, muwulire.

Zekaria 9:14

Agho Musengwa Katonda alibonekera ghaigulu gh'abantu be, era yaalasa obusaale bwe bwaja ng'oti kumyansa kwa lukuba. Musengwa Katonda oyo alifuuwa eigwala, memale yaakumbira mu mpewo eyeezungulula n'amaani, eva ku luuyi olw'omukono omusaadha olw'e buvandhuba.

Matayo 13:16

“Aye imwe mwesiimye, kuba amaiso gaimwe gabona n'amatu gaimwe gawulira.

Matayo 13:9

Ali n'amatu awulire.”