Isaia 17:8 - Baibuli Ekibono kya Katonda 2014

⁸ Balirekera agho okufangayo einho ku alutaari dhe beekolera beene n'engalo edhaibwe, era baalekera agho okwesiganga ebintu obuntu beene bye beekolera ka bibe ebifaananie bya Ashera omusambwa gwaibwe omukazi, oba alutaari edhiniokezebwaku obubbaani.

Isaia 17:8 ပူးပေါင်းရင်းမြစ်များ

2 Samueli 22:42

Baakanula amaiso aye nga tibabona wa kubawonia, baalirira Musengwa Katonda aye yaaloba kubavugira.

2 Ebyomubyanda 14:5

Era yaatoola mu bibuga byonabyona ebya Buyudaaya, ebifo ebigulumivu eby'okusinzizaamu, ni alutaari edh'okuniokezaaku obubbaani. Kale, mu biseera bye, obwakyabazinga bwe bwaba mu miraala.

2 Ebyomubyanda 31:1

Ebyo byonabyona nga biwoire, Abaisiraeli boonaboona abaaligho baaja mu bibuga bya Buyudaaya, baamenhamenha empango edh'amabaale, baasimulagho ebifaananie eby'omusambwa omukazi Ashera n'ebifo ebigulumivu eby'okusinzizaamu, ni alutaari. Baaja baakola batyo mu biketezo ebindi byonabyona ebya Yuda, n'ebya Benjamini, n'ebya Efuraimu, n'ebya Manasse, okutuusa lwe baabizikiriza byonabyona. Agho abantu boonaboona bairayo mu bibuga byaibwe, buli muntu mu kibandha kye.

2 Ebyomubyanda 34:4

Baamenhamenha alutaari edh'omusambwa Baali nga Yosia aligho mwene, baatematema ni alutaari edh'okuniokezebwaku obubbaani edhaali ghaigulu gh'edho. Baamulungula ebifaananie eby'omusambwa omukazi Ashera, n'ebifaananie ebindi ebibaadhe, n'ebyo ebyakolebwa mu kyuma ekisaanuusiibwa, baabisa byafuuka nkungu era enkungu eyo baagimansira ku magombe g'abo abaaghangayo emisengo y'ebifaananie ebyo.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Isaia 1:29

Ensoni dhiribagema imwe olw'emiti emikologho gye mwasinzanga, n'olw'enimiro dhe mwasengangamu emisambwa.

Isaia 10:20

Mu kiseera ekyo, Abaisiraeli baidhukulu ba Yakobo abalisigalagho nga n'abawoniegho, baliba nga tibakeesiga ighanga eryo eryabaghangula, aye nga mu mazima beesiga Musengwa Katonda, Omutukuvu wa Isiraeli.

Isaia 17:9

Olunaku olwo bwe lulituuka, ebibuga ebyezungulwirwa ebimante ebigumu biriba ng'oti n'ebifo by'Abahivi n'Abamori bye baalekulira obwagho ni bifuuka ebifulukwa, bwe baali nga bali kulumuka Abaisiraeli.

Isaia 2:8

Ensi yaibwe eidhwire ebisinzibwa ebitali Katonda, abantu baasinza ebyo beene bye bakola n'emikono gyaibwe; ebintu obuntu bye bakola n'engalo dhaibwe.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Isaia 44:15

Omuntu oyo atoola ku muti gw'atemye yaakolamu ekisinzibwa ekitali Katonda, era ekifaananie ekyo ekibaadhe yaakikubira amakiryaivu, yaakisinza. Bw'amala, omuti ogusigairegho agufuulamu nku, yaatwala yaakumisa omuliro, yaayota yaasuugha, era yaafumbisa n'emere.

Yeremia 17:2

Abantu baimwe tibeerabiranga kusinziza Ashera omusambwa omukazi, ku alutaari dhaibwe, ni buli ghansi mu kinsense eky'omuti omuzibirivu, ni ku buli kasozi,

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Hosea 14:8

Abaisiraeli tibaliirayo kabiri kusinza ebitali Katonda. Ndidha kubaghanga kye banansabanga, era ndidha kubalabiriranga. Ndidha kubateerangagho ekinsense ng'oti n'omuti ogutawaawuza makaba. Ninze ensimuko ey'ebirungi byonabyona bye bafuna.”

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Zefania 1:3

abantu, n'ensolo, n'enhonhi, n'ebiba mu nhandha. Nja kuzikiriza aboonooni boonaboona, n'abantu boonaboona baaweegho ku nsi. Nze Musengwa Katonda ninze nkobye.

Zekaria 13:2

Nditoola mu nsi Isiraeli ebisinzibwa ebitali Katonda, ghalobe kubaagho muntu abiidhukira waire okwidhukira amaina gaabyo. Nditoolagho n'abo boonaboona abeeyeta abalanzi, era naatoola ni mu bantu omwoyo ogwenda okusinza ebitali Katonda.

Amateeka Agokubiri 7:5

Agho ni mubabisenga muti: mumenhemenhenga alutaari dhaibwe, mutemetemenga empango dha bakatonda baibwe edh'amabaale, mwasaageyasaagenga ebifaananie ebibaadhe eby'omusambwa gwaibwe omukazi Ashera, era mwokyenga n'omuliro ebintu byaibwe bye basinza ebitali Katonda.