Isaia 17:6 - Baibuli Ekibono kya Katonda 2014

⁶ Abantu abalisigalagho mu Isiraeli baliba batono inho, ng'oti n'omuti omwoliva gwe banozeeku emyoliva, ni gusigazaaku ebiri oba esatu ghaigulu ku busanso bw'ensaga obusembayo, oba ni gusigazaaku ena oba etaanu ku nsaga dhaagwo edha ghansinsi. Nze Musengwa Katonda wa Isiraeli ntyo bwe nkobye.

Isaia 17:6 ပူးပေါင်းရင်းမြစ်များ

1 Bakyabazinga 19:18

“Aye ndirekagho abantu kasanvu (7,000) mu Isiraeli, abo boonaboona abataakubiranga Baali makiryaivu era abataamunhwegeranga.”

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 10:22

Waire nga mpegaano Abaisiraeli bali kamaala ng'oti n'omusenho bwe guba ku mbali okw'enhandha, aye batono abaliwonagho ni baira. Katonda yasalagho bazikirizibwe, ng'ekyo n'ekibagwaniire.

Isaia 24:13

Kityo bwe kiriba mu maghanga goonagoona ag'omu nsi. Kiriba ng'oti ni mu biseera eby'amakungula nga bamaze okukuba ebibala okuva ku miti emyoliva, n'okunoga emizabbibu egisembayo.

Isaia 27:12

Ku lunaku olwo, Musengwa Katonda alisoloza abantu be Abaisiraeli, okuva ku mwiga Eufurate okutuuka ku kaiga ak'oku nsalosalo ni Misiri, ng'oti n'omuntu asensa engaano okuva mu biwusu.

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Ezekieli 39:29

Ndiyugha omwoyo gwange ku b'eighanga Isiraeli, era tiriiramu kabiri kubalekulira agho. Nze Musengwa Katonda ninze nkobye.”

Obadia 1:5

Abaibi bwe baidha okwiba obwire, batwalaku ebyo bye benda byonka. N'abanoga emizabbibu balekakuuku egindi. Aye iwe abazigu bo baidha kukuzikiriza!

Mika 7:1

Nkagwireku nze! Ndi oti n'omuntu ali endhala aja ku muti ogw'ebibala n'ayagaana nga baagumalaku, era n'aja ku mizabbibu nga kwona baaginogaku. Olwo yaaba ng'asubiibwa obuwoomi bw'emizabbibu n'obw'ebibala eby'emitiini ebisookereza okwenga!

Ab'e Roma 11:26

Olwo ni Isiraeli yeenayeena alirokolebwa nga bwe kyaghandiikibwa kiti: “Omulokozi aliva mu Sioni, oyo n'alitoola baidhukulu ba Yakobo mu kwonoona kwaibwe.

Ab'e Roma 9:27

Isaia yeena yalangirira ku Isiraeli ati: “Abantu ba Isiraeli ni bwe balyaga omusenho ogw'enhandha obungi, aye batono bati abaliwonagho ni balokolebwa

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Abalamuzi 8:2

Aye yaabakoba ati: “Kye nakola kitono inho, bw'okigerangerania n'ekyo imwe kye mukoze. Imwe abantu aba Efuraimu kye mukoze, kisinga ghala ekyo ife ab'endhu ya Abiezeri kye tukoze.