Isaia 17:5 - Baibuli Ekibono kya Katonda 2014

⁵ Isiraeli eriba ng'oti n'enimiro ye bakesiisaamu engaano, era eriba ng'oti n'eisamba ly'omu kiiko ky'e Refa, lye bamaze okukesaamu ni balondereramu ebikeseibwa okubimaliriramu.

Isaia 17:5 ပူးပေါင်းရင်းမြစ်များ

2 Samueli 5:18

Agho, Abafilisiti baatuuka mu kiiko ky'e Refa, baakibuna kyonakyona.

2 Samueli 5:22

Kabiri Abafilisiti baidha mu kiiko ky'e Refa, baakibuna kyonakyona.

Ensambo 27:25

Eisubi ery'ebyayo bwe liba nga limaze okusalibwa era ng'eito liri kumera, n'ery'oku nsozi nga lyona limaze okusalibwa lyaterekebwa,

Isaia 17:11

Aye ebisimbe ni bwe bimereragho ku lunaku lwene lw'obisimbye mu nimiro edho, ni byanizaagho enkyo ly'olunaku lw'obisimbiireku, era tighalibaagho bikungulwa naire, okutoolaku okugemwa obw'enaku n'okulumizibwa okutakoma.

Yeremia 51:33

Akaseera kasigaire katono abazigu batyankiririre abantu b'omu Babilonia, ng'oti ngaano mu kifo aghakubirwa engaano. Nze Musengwa Katonda Afuga Amagye, Katonda wa Isiraeli, ninze nkobye.”

Yeremia 9:22

Emirambo gy'abantu gija kusigala bw'agho gityo, ng'oti mmungo dha busa mu nimiro, era ng'oti binhwa bya ngaano bye bakesiisa ni baleka obwagho, ni ghabulagho omuntu abitoolagho.”

Hosea 6:11

N'imwe Abayudaaya mwena, ekiseera namala okukitaagho, eky'okubabonereza olw'ebyo bye mukola.”

Yoeli 3:13

Ekibi kyaibwe kye baakola kinene inho! Kale mubasale n'emiwolo ng'oti n'engaano etuuse okukungula. Mubatyankirire ng'oti n'emizabbibu egiidhwire mu kikunhiro eky'omwenge ogw'emizabbibu ni gibanda n'okubanda.”

Matayo 13:30

Muleke byombi bikulire ghalala okutuuka mu kukesa, era mu kukesa ndikoba abakesi baasooka okwighamu eisubi eibi, baalisiba ghalala mu binhwa baalyokya, ate engaano baagisololeza mu kyagi kyange.’ ”

Yoshua 15:8

Nga bw'etuuka agho enonereza ekiiko ekya mutabane wa Hinnomu ku luuyi olw'omukono omusaadha olw'e buvandhuba mu mbali mw'olusozi Yebusi ng'ekyo ni Yerusalemu. Agho nga eja yaaniina ku lusozi oluli e bugwandhuba w'Ekiiko kya Hinnomu, ku luuyi olw'omukono omugooda olw'e buvandhuba w'Ekiiko ky'Abarefa.

Yoshua 18:16

Agho yaaserengeta yaatuuka ghansi gh'olusozi olulingiriire ekiiko kya mutabane wa Hinnomu ekiri aghakoma ekiiko ky'Abarefa, ku luuyi olw'omukono omugooda olw'e buvandhuba. Era yaava agho yaika mu kiiko kya Hinnomu ekyo, ku luuyi olw'omukono omusaadha olw'e buvandhuba mu mbali mw'olusozi olw'Abayebusi, kabiri yaaserengeta okutuuka ku kibuga Enirogeli.