Isaia 17:2 - Baibuli Ekibono kya Katonda 2014

² Ebibuga by'e Aroeri biidha kusigala nga biziramu bantu ebyanda n'ebyanda. Biidha kubanga byayiro bya ntaama na mbuzi, dhibenga omwo nga ghazira adhitiisa naire.

Isaia 17:2 ပူးပေါင်းရင်းမြစ်များ

Yobu 11:19

Oidha kutendukanga nga ghazira akutiisa; abantu kamaala baidha kukusabanga obuyambi.

Isaia 27:10

Ekibuga ekyabangaku ebimante ebigumu ebikyezungulwire, mpegaano kiri bifulukwa byereere, era kirekeibwa bwagho nga kyereere ng'oti irungu. Kifuuse kyayiro ensolo mwe dhiriira nga dhikooza amakaba g'emiti, era ni dhiwuumulira omwo.

Isaia 5:17

Entaama ento dhiririira mu bibuga nga bizise ng'oti n'edhiri kuliira mu byayiro, n'edho edhipiitibwa obupiitibwe ensavu era n'embuzi ento, dhoona dhirifuna omwo eisubi.

Isaia 7:21

“Olunaku olwo bwe lulituuka, omuntu ni bw'aliba ng'asigaizaagho bwa nte ndala eyonsa ento, n'entaama ibiri bubiri,

Isaia 7:22

dhiriva amata mangi inho agamumala okunhwa. Bwenebwene kiisi aliba asigaire mu nsi eyo, alinhwanga amata era yaalyanga n'omudheenene gw'endhuki.

Yeremia 48:19

Imwe ababa mu Aroeri, mwemerere ku mbali kw'enguudo muteegerere, mubuuze abo abali kuziinhuuka nga balumuka okwewonia, muti, ‘Kiki ekigwiregho?’

Yeremia 7:33

Emirambo gy'abantu giriba mere ya nhonhi, na ya nsolo dha mu nsiko, nga ghazira adhirobera naire.

Ezekieli 25:5

Ndifuula ekibuga Rabba kyaba kyayiro kya ngamiya, ate ebibuga by'omu Ammoni ebindi naabifuula bigo bya ntaama na mbuzi. Olwo mulimanha nga ninze Musengwa Katonda.”

Ezekieli 39:26

Bwe baliiramu kabiri okuba mu nsi yaibwe mu miraala nga ghazira abatiisa naire, balyerabira bwe baaswazibwa olw'obutaba beesigwa ye ndi.

Mika 4:4

Buli muntu aidha kuwuliranga emiraala ng'ali mu masamba ge ag'emizabbibu n'ag'emiti emitiini, nga ghazira muntu yeenayeena amutiisa naire. Kuba Musengwa Katonda afuga amagye, mwene n'akobye.

Zefania 2:6

Ekiketezo kyaimwe eky'oku nhandha kija kufuuka kyayiro, nga kiidhwire entindi edh'abaayi n'ebigo eby'ebyayo byaibwe.

Okubala 32:34

Agho ab'ekika kya Gadi bairamu okuzimba buyaaka ebibuga: Diboni, Atarothi, Aroeri,

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Amateeka Agokubiri 3:12

Musa yaakoba Abaisiraeli ati: “Bwe twanhaga ensi eno mu biseera ebyo, nagabira Abareubeni n'Abagadi ekiketezo ekiva ku Aroeri, ekiri ku mugo gw'ekiiko Arunoni, n'ekitundu eky'ekiketezo eky'ensi ey'ensozi edhiri e Gileadi, n'ebibuga byamu.

Yoshua 13:16

Ekiketezo kyaibwe kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko ekyo, n'omuseetwe ogwezungulwire ekiketezo eky'e Medeba.

Yoshua 13:25

Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.