Isaia 17:13 - Baibuli Ekibono kya Katonda 2014

¹³ Amaghanga gali kuyoolooka ng'oti n'enhandha eri kwefuukuula. Aye Musengwa Katonda aligadhuuka budhuuke gaalumukagho. Galiba ng'oti bikaba ku lusozi empewo by'efuuwa, era ng'oti n'enkungu eri kwezungululira mu mpewo ey'amaani.

Isaia 17:13 ပူးပေါင်းရင်းမြစ်များ

Yobu 21:18

ni baba ng'oti bikaba ebifuuyibwa empewo, oba enkungu etwalibwa kiwunga?

Yobu 38:11

Naagikoba nti: ‘Kanga ghano, era otaswikangagho. N'okwesiikuula kwo okw'amaani kunaakomanga ghano.’”

Zabbuli 1:4

Aye ababi tibali batyo, bali ng'oti musinsi empewo gw'efuuwa ere.

Zabbuli 35:5

Malaika wa Musengwa Katonda k'abasindiikirize, babe ng'oti musinsi empewo gw'efuuwa obw'ere.

Zabbuli 65:7

Oikaikania okuwolomboka okw'enhandha, n'okuyira okw'amaadhi g'enhandha; era waikaikania okuwowoigana okw'abadheemu.

Zabbuli 65:8

Abantu boonaboona ab'oku nsi waire ab'omu biketezo eby'eghala einho, batya olw'ebyo ebyewuninkiriza by'okola. Iwe oleetera ensi yoonayoona okukuba emizira, okuva endhuba y'eva okutuuka y'egwa.

Zabbuli 9:5

Abatatya Katonda obasaliire omusango gwabasinga, waazikiriza abakozi b'ebibi. Ghazira aja kubaidhukira naire ebyanda n'ebyanda.

Isaia 14:25

Ndizikiriza Abassiria mu nsi yange, naabatyankirira n'ebigere ku nsozi dhange. Nditoola ku bantu bange ekikoligo eky'Abassiria abo, naabatwikula ebizito bye baabatwikanga.

Isaia 21:15

Kuba bali kulumuka empiima edhenda okubaita, bali kulumuka obusaale obudhuumwirwa mu bulaso, obwenda okubafumita. Bali kulumuka olutalo olwenda okubamalagho.

Isaia 22:18

Bwenebwene alikusikambulasikambula, yaakukanhuugirira ere ng'oti mupiira, waagwa eyo mu nsi enene. Olifiira eyo, n'ebigaali byo eby'omu lutalo bye weesuuta nabyo byasigala eyo. Bwenebwene oswaza n'okuswaza ab'endhu ya musengwa wo.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 30:28

Omuuka gw'agheera guli ng'oti n'omwiga ogubanze ni gutaayaaya, ng'amaadhi gaagwo gatuuka mu nkoto, olwo gaaja nga geeyaagho amaghanga bwe gagazikiriza, era gaalekeza amaghanga okutuukiriza entegeka dhaago embi.

Isaia 34:17

Musengwa Katonda n'alibigabaniamu ensi eyo, yaabisimbira n'ebiroowa ku bitundu byabyo. Ensi eyo eriba yaabyo ense n'ense, era birigibangamu ebyanda n'ebyanda.

Isaia 40:15

Bona eno, Musengwa Katonda abona amaghanga goonagoona nga gaziramu muzindo, ng'oti n'eitondo obutondo ery'amaadhi. Era abona ebizinga nga biwewufu ng'oti nkungu bukungu.

Isaia 40:24

Baba ng'oti n'ebimera bye baakasimba, ebikaali kusimba mizi ghala inho mu itaka. Musengwa Katonda oyo bw'asindika empewo ebifuuwa byaniala. Agho empewo erimu kiwunga yaabifuuwa ng'ebitwaliriza ng'oti isubi ikalu.

Isaia 41:11

Bona eno, abo boonaboona abakuliku enzigu, ensoni dhiribagema baaswala. Abo abakulwanisa balizikirira baasaanagho.

Isaia 8:7

kale ni bona eno, nze Musengwa Katonda nja kubaleetera amaadhi amangi ate ag'amaani agava mu mwiga Eufurate, oyo nga ni kyabazinga w'e Assiria n'abalwani be boonaboona. Amaadhi ago galiidha gaidhuza emyeta gy'amaadhi egy'omu Buyudaaya mwonamwona, gaakuuluulira ni ku mbali kwagyo.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Zefania 2:2

nga mukaali kufuuyibwa ere na mpewo ng'oti bikaba. Mwenenie ng'obusungu bwa Musengwa Katonda obwokya ng'oti muliro bukaali kubaidhaku, era ng'olunaku lw'aja okulagiraku ekiruyi kye lukaali kutuuka.