Isaia 17:10 - Baibuli Ekibono kya Katonda 2014

¹⁰ Iwe Isiraeli weerabiire Katonda wo akuwonia, waamuvaaku oyo ali ng'oti lubaale mwe weewogoma. Oize mu kusimba nimiro dh'omala n'osengamu emisambwa.

Isaia 17:10 ပူးပေါင်းရင်းမြစ်များ

1 Ebyomubyanda 16:35

Era musabe Musengwa Katonda oyo muti: “Wo Katonda Omulokozi waife tuwonie, era otusoloze okuva eyo mu maghanga ye twasansaanira. Olwo tukusiimenga olw'eriina lyo eitukuvu, era tukusaakenga olw'ekitiisa kyo.”

Zabbuli 106:13

Aye beerabira mangu bye yabakolera, baalekera n'agho okumalanga okumwebuuzaaku abaghe ku magezi.

Zabbuli 106:21

Baava ku Katonda eyabawonia okuzikirira, era eyakola ebintu ebikologho mu Misiri,

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 31:2

Tega kutu ompulirise, yangughaku omponie, onfuukire olubaale olw'okwewogomamu era ekimante ekigumu ekineezungulwire eky'okumponia.

Zabbuli 65:5

Bwe tukusaba otwiramu, waatuwonia ng'okola ebyewuninkiriza. Niiwe Katonda atulokola, era eisuubi ery'abantu boonaboona ab'oku nsi n'abo abali eyo ng'otuumye enhandha edhiri eghala einho.

Zabbuli 79:9

Wo Katonda waife omuzaawuzi, tubeere ku lw'ekitiisa eky'eriina lyo, otuwonie era otusonighe ebibi byaife, ku lw'obulungi obw'eriina lyo.

Zabbuli 85:4

Wo Katonda iwe omulokozi waife, iramu okutugonza olekere agho okutusungughalira.

Zabbuli 9:17

Abakozi b'ebibi, n'abo boonaboona abava ku Katonda, ba kuja magombe.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 17:9

Olunaku olwo bwe lulituuka, ebibuga ebyezungulwirwa ebimante ebigumu biriba ng'oti n'ebifo by'Abahivi n'Abamori bye baalekulira obwagho ni bifuuka ebifulukwa, bwe baali nga bali kulumuka Abaisiraeli.

Isaia 18:5

Alizikiriza abalwani b'abantu abo nga bakaali na kulumba, ng'oti n'omuntu bwe yandiidhie ku muti ogumaze okumulisa ekimuli, nga gutaireku n'ebibala era nga biri na kwenga, aye nga bakaali bwa kubinoga, memale n'atema ensaga n'adhighanulayo yoonayoona ye dhaalandira.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 30:29

Aye imwe abantu ba Katonda, mulyemba era mwasagamba nga bwe mukola obwire nga mukuza ekibinuko ekitukuvu. Muliba basangaavu ng'abo abatambulira ku lwembo olw'endere, nga baja ku lusozi lwa Musengwa Katonda, oyo olubaale Isiraeli lwe yeewogomamu.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Isaia 44:8

Mutatya era mutawaamu maani. Mukiidhi bukalamu ng'okuva eira n'eira n'okutuusa ye buli eno, mbairenga mbakobera ebiribaagho. Era niimwe abadhulizi bange. Ate eriyo ekyetebwa katonda okutoolaku nze? Ninze zenka ali ng'oti n'olubaale mwe mwewogoma, ezirayo wundi ye ndidhi.”

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 62:11

bamanhe nga Musengwa Katonda ali kulangirira mu nsi yoonayoona ati: “Mukobe ab'omu Sioni muti, bona, omulokozi wuuyo aidha, ng'ali n'ebirabo eby'okugabira abantu be, n'empeera ey'okubasasula.”

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 17:13

Wo Musengwa Katonda, niiwe wenka eisuubi ly'Abaisiraeli. Ensoni dhija kubagema abo boonaboona abakuvaaku, baswale, era amaina gaibwe gaja kughandiikibwa mu nkungu olw'okukweyawulaku, ate nga iwe Musengwa Katonda oli ng'oti n'ensulo ey'amaadhi ag'obulamu.

Yeremia 2:32

Omughala asobola okwerabira ebyamadholobera bye by'avaala? Oba omugole okwerabira ebivaalo bye eby'obugole? Aye abantu bange baneerabiire enaku kamaala edhitabalika!

Yeremia 3:21

Amamiro gawulikika ghaigulu eyo ku nsozi edhiziraku kantu. Ago n'amamiro ag'Abaisiraeli abali kulira amaziga nga beenenia, olw'okudaaliima ni bava mu ngira entuufu, ni beerabira Musengwa Katonda waibwe.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 23:35

Musengwa Katonda akoba ati: “Kale nga bwewanvaaku n'oneerabirira irala, oli n'okugumira ekibonerezo olw'obwenzi bwo n'obwamalaaya bwo.”

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Yoeli 1:17

Ensigo dhaife dhifiira mu biwumpu eby'eitaka eikalu. Amaterekero gawolongeire gaayonooneka, kuba tighakaali mere ya kugaterekamu.

Abalevi 26:16

ndibabonereza nti: ndireeta entiisa mu imwe. Omusuudha ogw'amaani n'endwaire edhitawonezeka biribatulughaza amaiso, byaleetera obulamu bwaimwe okuja nga buwaagho. Mulisiga ensigo aye tidhiribagasa, kuba abazigu baimwe balibaghangula baalya bye musize.

Abalevi 26:20

Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Habakkuku 3:18

nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Zefania 1:13

Eby'obukombe byaibwe bija kunhagibwa, n'endhu dhaibwe dhimenhebwegho. Waire bali kuzimba endhu, aye tibaja kudhisulamu. Waire bali kusimba amasamba ag'emizabbibu, aye tibaja kunhwa ku mwenge gwa mizabbibu guva mu masamba ago.”

Amateeka Agokubiri 28:30

“Mwidha kwandhulanga abakazi, aye abasaadha abandi n'abaidhanga okubatwala babe nabo. Mwidha kuzimbanga endhu, aye mulobe kudhibangamu. Era mwidha kusimbanga amasamba g'emizabbibu, aye mulobe kukungulanga ku bibala byago.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Amateeka Agokubiri 32:18

Beerabira omulwanirizi waibwe ow'amaani, baaloba kwidhukira Katonda waibwe eyabagha obulamu.

Amateeka Agokubiri 32:31

Kuba emisambwa gy'abazigu baife minafu, aye Katonda waife wa maani. N'abazigu baife beene ekyo bakiidhi.

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Amateeka Agokubiri 6:12

mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru.

Amateeka Agokubiri 8:11

Musa yaayongera okukoba Abaisiraeli ati: “Mwekuumenga mulobenga kwerabira Musengwa Katonda waimwe, nga muloba okukuuma amateeka ge, n'ebiragiro bye, n'okulamba kwe, bye ndi kubagha olwaleero.

Amateeka Agokubiri 8:14

Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.

Amateeka Agokubiri 8:19

Bwe mulyerabira Musengwa Katonda, ni mujiira ku bakatonda era ni mubasinza, mbalabula olwaleero nti timuliroba kuzikirira.